Saturday, 3 December 2016

Baada ya Alikiba na Diamond, msanii wa 3 ni nani?

 

Na.Steven Mwakyusa(Mtu Makini)
Ushindani katika burudani ya muziki si kitu kipya, ushindani uekuwepo miaka na miaka!! Kimsingi hii ni asili ya binadamu, japo wanasema asiyekubali kushindwa si mshindani..ila mimi naamini mshindani wa kweli ni yule asiyekubali kushindwa! Kushindana kunaenda mbali zaidi hasa pale ambapo maslahi binafsi hasa ya kiuchumi yanapoanza kuguswa!
Ni wazi muziki umetawaliwa na tambo za kila aina, na hili tulilizoea hasa kwa wale wasanii waliokuwa wakiimba hip hop..ushindani unapokolezwa na mengineyo ndipo huibuka kitu kinachoitwa beef!
Huu ushindani unaopelekea beef kimsingi ndiyo uliovunja makundi kama 2berry, HBC, TnG squad, Gheto Boys, Watu Pori na Wateule kwa kutaja kwa uchache..
Hivyo basi beef inaweza kuwa baina ya wasanii ndani ya kundi moja, au wasanii wasiohusiana kwa lolote!
Kihistoria imeshuhudiwa beef zifuatazo hata kama wao hawakuweka wazi, au pengine hazikupata attention ya watu
1. Afande Sele Vs O ten
2. East Coast team Vs TMK family
3. ECT vs Tmk wanaume Halisi
4. Juma Nature Vs Inspector Haroun
5. Fid Q Vs Rado
6. Afande Sele Vs Ditto & Koba
7. Afande Sele Vs Madee
8. Afande Sele Vs Soggy Doggy
9. Afande Sele Vs Solo Thang
10. Zay B vs Siste P
11. TID vs Dully Sykes
12. TID vs Q Chief
Kwahiyo ukiangalia wasanii wengi katika kutofautiana kwao, Afande Sele ndiye ameongoza kutofautina na wasanii wengi!
Na hii ilichagizwa sana na ushindi wake katika Shindano la Ufalme wa Rhymes la mwaka 2004 kwahiyo ukichunguza Afande alikuja kuwa na beef na wengi waliokuwa hawakubaliani na ushindi wake.
Sasa mwaka 2014, aliibuka mfalme mwingine na kuleta sintofahamu katika game ya muziki wa hapa nyumbani, Alikiba alirudi baada ya anachokiita likizo na kuanza kujiita King..akimaanisha Yeye ni King of Bongo fleva. Huu ufalme haukupokelewa kwa hisia sawa na wapo wengi wanaohoji mpaka leo ni wapi Alikiba Alipewa huo ufalme na nani alimpa, hata ukiniuliza mimi hilo silijui..
Huu ufalme ndiyo ulioenda kuchagiza kile kinachoiywa beef baina yake na nguli mwingine katika bongo flava "Diamond"...kauli za kiba kwamba kaja kufuta vumbi kiti chake pia akidai kizuri kikikosekana hata kibaya huonekana hazikuacha mtazamo chanya hata kidogo...
Huu ndiyo ukawa mwanzo wa kinachoitwa timu baina ya hawa wawili, team zikachagizwa na uwepo wa mitandao huku tambo na kejeli zikizidi kuibuka na kuhusisha walioko na wasiokuwamo!
Hivyo basi hizi tambo hazijawahi fikia tamati, kila upande umekuwa ukivutia kwake! Na hili limeweza kuathiri wasanii wengineo kwa namna moja au nyingine!!
Hivyo nani ni namba moja hiyo siyo hoja yangu kwa leo, hoja yangu ni kutaka kujua je ni msanii/wasanii gani wanaofatia baada ya hawa wawili, llabda niseme ni nani msanii namba 3 baada ya Kiba Diamond?
Je ni Baraka, Benpol, Jux ama Barnaba? Je hawa wasanii wanaweza simama peke yao na wakafanya show iwe ndani au nje ya nchi?
Ni nani msanii namba 3? Je ni Ruby, Vannesa Mdee, Maua au Mwasiti?
Ni nani anaweza kufikia ukubwa wa hawa wawili? Ni RayVan, Harmonizeau Rich mavoko ?
Nakaribisha michango yenu!!

Tuesday, 15 November 2016

"SIA" NYOTA WA MUZIKI ALIYEAMUA KUFICHA USO WAKE

Na.Steven Mwakyusa(Mtu Makini)
"Elastic Heart" ni moja ya nyimbo zilizofanya vizuri sana katika chart za muziki za Uingereza na Marekani, Elastic heart ni wimbo wa mwanamuziki ajilikanae kama "Sia"..katika Elastic Heart Sia haonekani mahali popote zaidi ya kusikika sauti yake ilipangika vilivyo!! Sauti inasikika ni ya mtu mzima ila anayeonekana katika video ni binti mdogo wa miaka 14 ajulikanaye kama "Maddie Ziegler"!!

Maddie Ziegler pia ameonekana katika wimbo wa "Chandelier", "Cheap Thrill" pia wimbo unaotamba kwa sasa katika chart mbali mbali za muziki uiitwao "The greatest"

Kwanini Sia haonekani katika video zake licha ya uwezo wake mkubwa wa kuimba, ili ni swali ambalo lilinifanya nizidi kupekua huyu Sia ni nani hasa?

Sia Furler alizaliwa December 18 mwaka 1975 huko nchini Australia, alianza shughuli zake za muziki mwaka 1993 na akaja kutoa album yake ya kwanza mwaka 1997 iliyokwenda kwa jina la "only see", mwaka 2000 alisainiwa na label ya Sonny Music na akafanikiwa kutoa album yake ya pili "Healing is difficult", pia aliweza kutoa album kama "some people are real problems" (2008) na "we are born" ya mwaka 2010!!

Baada ya album ya mwaka 2010 Sia alianza kupata athari za pombe pia madawa ambayo alikuwa akitumia kwa muda mrefu, muziki ukawa mgumu sana kwake hali iliyopelekea mpaka kupelekwa Sober, na baadaye alirudi katika hali ya kawaida!!

Sia aliamua kurudi kwenye muziki, ila akilini alijua umaarufu wa muziki ndiyo ulimpeleka katika matumizi ya kupindukia ya pombe na madawa! Kuanzia hapo Sia aliamua kurudi katika muziki, ila hakutaka kuonesha tena sura yake hadharani!! 

Mwaka 2014, Sia alitoa album aliyoiita "100 forms of fear" ikiwa na vibao kama "Chanderlier pia Elastic Heart"!! Licha ya nyimbo hizi kuvunja rekodi mbali mbali, ikiwa pamoja na kuangaliwa youtube zaidi ya mara 2.7billion, bado Sia hakutaka kutoka hadharani pasipo kuficha sura yake, iwe katika show hata katika interview za tv na radio Sia ameendelea kuficha sura yake!!

Mwaka 2016 pia umekuwa wa mafanikio kwake, album ya "This is acting" imeendelea kufanya vizuri huku vibao kama "Cheap Thrill" na "The greatest" vikizidi kushika chart za muziki!

Kiufupi Sia ameleta kitu kipya katika muziki wa Pop, identity yake imeendelea kuwa mjadala katika mitandao ya kijamii, pengine ndilo lilikuwa lengo lake toka awali, kwa hapa kwetu wanaita kick, lakini je kwa hapa kwetu msanii gani anaweza kuhimili kuficha sura yake siku zote?

NB; Sia pia amewahi kuandika nyimbo kama Diamond ya Rihanna, Pretty hearts ya Beyonce, Perfume ya Britney Spears pia kashirikishwa katika "Titanium" pia Bang my head" Zote za David Guetta

Monday, 17 October 2016

REMIX ZILIZOFUNIKA NYIMBO ZA AWALI

Muda nwingine katika muziki inatokea msanii akafanya kazi ambayo anaamini ni bora kwa viwango vyake ila baada ya kutoka anakuja kugundua kwamba kuna vitu vinamiss!! Inaweza kuwa ni beat au kukosekana kwa vionjo fulani!
Huko nyuma imewahi tokea nyimbo original zikafunikwa na remix zake, remixes ziligeuka kuwa hitsong huku original version zikibaki hoehae...huku wengine wakishindwa kujua kama kuna original version ya wimbo husika!
Hizi ni baadhi ya nyimbo ambazo remix zake zilitamba zaidi ya original version..
1. Nikipata wangu-K_Lyn
Baada ya kuvuma na wimbo wa Nalia kwa furaha ambao alimshirikisha Bushoke, K lyn alijaribu kutoka mwenyewe akiwa na kibao kilichokwenda kwa jina la nikipata wangu, Hii nikipata wangu haikuweza kufanya lolote kumtangaza katika anga la muziki, baada ya muda ikaja kusikika remix yake akiwa mkali J-moe! Jmoe kwa kiasi kikubwa aliifanya nikipata wangu kuwa hitsong!!
2. Nipo Gado-Zay B feat Inspector Haroun
Hii ndiyo original version ndani yake alisimama Nyago ya mdizi Inspector Haroun Babu, licha ya ukali wa original version ila haikufua dafu mbele ya remix yake ambayo alikuja kusimama Juma Nature almaarufu kama Sir Nature aka Kibra..
Ikiwa katikati ya vuguvugu la beef la Nature na Babu, Nipo Gado remix iliweza kuhit na kuvunja rekodi za gado original.
3. Jirushe-Feruz feat Scout Jentaz
Wakiwa washirika wa karibu wa Daz Nundaz,Scout Jentaz walipata bahati ya kuwepo katika original version ya Jirushe na kufanya vizuri kadri ya walivyoweza!! Jirushe ya Feruz na SJ baadaye haikuweza kufurukuta mbele ya remix ambayo alikuja kusimama rapa mahili kwa kipindi hicho aliyejulikana kama Jmoe, Jmoe ndiye aliyefanya Jirushe iliyoanza kupoa ianze kupigwa kila kona ya nchi, vikorombwezo vya Intro pia outro aliyosimama Solo thang Ulamaa ilifanya Jirushe Remix kuwa wimbo bora kabisa kwa wakati huo.
4. Dochi-Imani
Ikiwa ni kazi toka Mj Records chini ya utayarishaji wake Marco Chali, Original version ya Imani haikufanya lolote mpaka ilipokuja kufanyiwa remix ndani yake akiwemo msanii nguli wa Bongo Flava Alikiba, uwepo wa sauti ya Alikiba ndani ya wimbo wa Imani ilifanya uanze upya kuchezwa huku wengi wakiamini ndiyo iliyokuwa original version
Kuna nyimbo nyingi sana zimefanyiwa remix mpaka sasa, nyingine zikiharibiwa huku nyingine zikiwa bora zaidi!!
Je unafikiri ni remix gani nyingine ambayo iliweza kuhit zaidi ya original version?


Steven Mwakyusa 2015

Friday, 14 October 2016

SHAIRI;NAFSI INA SIRI NYINGI

Nafsi ya mtu ni jumba,jumba la giza totoro,
Tena lenye vingi vyumba,usiyojua zoke kasoro,
Waweza kuhisi cha simba, kumbe chumba cha kongoro,
Nafsi inabeba mengi, ni siri ya mwenye nayo.

Machoni naona pendo,pendo lile nitakalo,
Wala silioni pindo,pindo linichukizalo,
Na sivihisi vishindo,wala baya uwazalo,
Nafsi inabeba mengi, ni siri ya mwenye nayo.

Imani ninajivika,imani ile imara,
Na pendo nimejitwika,pendo si biashara,
Ufamle nimejivika,na malkia hongera,
Nafsi imebeba mengi, ni siri ya mwenye nayo.

Nikuonapo wacheka,cheko linakuja kwangu,
Pindi unasikitika,waliteka cheko langu,
Ubaba nimejivika,nakuona mke wangu,
Nafsi imebeba mengi,ni siri ya mwenye nayo.

Na leo sina jeuri,nawaza nikwite nani,
Nilijitia kiburi,kama nimekweka ndani,
Nawaza wako uzuri,sijui atapewa nani,
Nafsi imebeba mengi,ni siri ya mwenye nayo.

Kweli nafsi kichaka,ama paka gizani,
Nimekosa pa kushika,na nitampenda nani,
Sasa ninaweweseka,kwama vile punguani,
Nafsi imebeba mengi,ni siri ya mwenye nayo.

Upendo ni jadi yako,hilo kumbe sikujua,
Nikahisi mie wako,kudeka nikazoea,
Siku inakwenda huko,nitajizuiq kulia,
Nafsi imebeba mengi,ni siri ya mwenye nayo.

Kaditama ninatua, huku nahisi ndoto,
Nimechelewa kujua,kweli penzi utoto,
Wengi nimewasumbua,kuhisi nakwepa moto,
Nafsi imebeba mengi,ni siri ya mwenye nayo.

KWA HERI JK NYERERE HAYA NDIYO TUYAFANYAYO

Tunaoamini katika tukionacho tunaamini tukija Butiama na kufukua kaburi lako tutakutana na fuvu la kichwa na baadhi ya mifupa ya mwili wako na vipande vya mbao ambazo ninakaribia kuwa udongo. Lakini pia wale tunaoamini katika hisia na kitu kiitwacho roho tunaamini licha ya kuwa hakuna nyama iliyobaki kushikilia mifupa ya mwili wako lakini roho yako ipo mahali fulani. Wengine wameenda mbali na kutaka kukuweka kwenye kundi la wale waitwao watakatifu.
Nisikupotezee muda Mwalimu, kuna mengi tunayafanya tangu ulipotutoka siku ile.
     Mwalimu ilipotolewa taarifa ya kifo chako kuna ambao hawakuamini kama kweli umekufa wakaja na dhama mbalimbali ambazo zimebaki vichwani mwa wengi hadi leo.Mwalimu dhana hizo hudai kuwa uliuawa na binadamu wenzako ,wapo wanaowashutumu wazungu wengine huwahutumu waafrik waliokuwa na mtizamo tofauti na wako kuhusu uchumi na demokrasia.Hadi leo wapo wanaoamini hivyo mwalimu na hawataki kusikia lingine kuhusu hilo.
   Ulipofariki kulikuwa hakuna shule za sekondari za kata lakini leo hii zipo.Shule hizi licha ya kutegemewa kukomboa sie ambao tuliishia kuambiwa  tumefaulu ila tumekosa nafasi na hatukuwa na uwezo wa kifedha walau wa kwenda kusoma kwenye shule za Jumuhia za wazazi za chama ulichokiasisi cha kijani na njano ambazo sijui niseme nini kuzihusu maana zimekufa chali kifo cha mende zimebaki kuwa vituo vya wanafunzi walioshindwa kwenyw shule nyingine kitaaluma na kimaadili: lakini shule hizi za kata hazifanyi kazi iliyokusudiwa licha ya kuwa nami ni zao la shule hizo lakini kama si kujipendekeza kwangu kwa wanafunzi wenzangu watoto wa "vibosile" chuo kikuu ningeishia kukiona kwenye kampeni za chama chako cha kijani na njano kwenye runinga zao kubwa wakijinadi kuwa ni mafanikio ingawa.Mwalimu shule hizi ni mwiba kwetu na si faraja tena najua yule kapteni na Bwana Deo wa Ludewa watakuambia hili vizuri.
  Mwalimu kuna mtu aliitwa Zitto akawa shujaa wetu ghafla ushajaa ukapote na akavikwa sijui alijivisha usaliti na sahizi ana kiongoza chama kipya ambacho kinapata uungwaji kwa sera zako za kiazimio la Arusha, azimio lililoishia kuwa historia isiyopewa uzito wowote.Kabla ya Zitto kuna mtu mmoja aliyeitwa Dr. Slaa nahisi ulipata kumsikia kabla , huyu bwana alijikuta kwenye orodha ya mashujaa wengine tukiktabiria kama Nyerere mpya lakini kuna kilichofanyika  na ghafla leo amegeuka kuwa jamaa mmoja hivi mtalii ambaye siasa kwake ni kushauri tuu tena kwenye mambo mepesi  mepesi tuu.Kuna wengi mwalimu , Mtikila yule jamaa naye kakufuata mwalimu bahati mbaya kuna watu walikishangilia kifo chake kuliko walivyoshangilia kifo cha Iddy Amin, usishtuke mwalimu hili gonjwa ulilotulazimisha tulipokee kwa kudai kuwa ni tiba limekuja na majanga mengi hadi watu wanashangilia vifo za wenzao wakipanga tuu ratiba kuwa nani atafuata huku wengine wakiwaita wagonjwa ni maiti zinazotembea.
  Mwalimu uliwahi kutuambia kuwa kilimo ni uti wa mgongo na wengi tuliamini lakini nimejikuta napata shaka kwani bado tunalimia jembe la mkono huku wakulima ni wazee huku vijana tukiwa tayari kupiga debe kuwa madalali hadi wakati mwingine kuuza miili yetu kwa kufanya ngono ili tuu tusilime.Sitanii mwalimu hii ni kuanzia kwa mwenye elimu ya mtaani hadi mhitimu wa shahada ya udhamivu.Kuna Rais alileta sera ya kilimo kwanza lakini jamaa zake wakaiharibu haraka na imekufa chali kifo cha mende kiasi kwamba hadi leo kilimo ni adhabu wachache walioamua kulima wanalima kwa simu  wakiziacha pesa za kilimo huku waking'ang'ania kazi za kuwatajirish mabepari kwa kupewa visenti visivyowafanya wawe huru.
Mwalimi kuna Whatsap, facebook ,Insagram na mengine mengi ambayo yamekuwa kijiwe cha wafanyakazi kukutana na kupiga majungu na si kazi, usishangae hiyo siyo mikoa ni mtandao ya kijamii usije kudhani Songea, Butiama na Singid vimebadilishwa majina bado ipo vilevile na wameongeza mengine kama Geita na Simiyu huku lifti ya kwanza Mbeya ikizinduliwa na viongozi wenye ving'ora.
  Mwalimu mwenge unapigiwa kelele kiasi kwamba watu wanatamani wasikie sauti yako useme kuna nini cha ziada kwenye mwenge zaidi ya kuunganisha watu? Mwalimu huo mwenge haufanyi kazi hiyo tena watu wanatengana tuu kidini, kikabila kikanda na hata kiitikadi licha ya kuwa mwenge huzunguka kila mwaka. Nikuambie tuu ukweli watu wameaanza  kuuchukia kwa sababu ya ile michango yake na namna inavyokusanywa pia Mwenge unashushwa hadhi kwani umefikia hatua ya kuzindua nyumba za kulala wageni zilizokamilika na mapagale ya zahanati.Halafu nikuchekeshe kidogo( najua halitokuchekesha) mwaka huu walipanga kutumia siku yako kuhalalisha ulaji wa mamilioni mengine bila sababu ya msingi tena wameahirisha kwa namna ambayo siku hizi watoto wamjini wanasema kutafuta kick kwani watu walishapokea tonge halafu wameambiwa warudishe unga sahizi naona taratibu watu wanafanya yao zinarudi. Mwalimu huu mwenge leo umekuwa sababu ya wapinzani wa chama chako cha kijani na njano kupata pa kuikosoa serikali "tukukufu ipambanayo na mafisadi na ikusanyayo kodi bila kujali tajiri wala masikini haibagui ni haki sawa kwa wote".
  Mwalimu chama chako cha kijani na njano siku hizi kimepitia wakati mgumu watu wakiingia na kutoka kwa kashfa halisi na za kusingiziwa.Chama kimeleta wabunge mabingwa wa kupiga makofi na kukubali kila kitu huku ikimwona yeyote anayetofautiana nacho basi ni haitaki amani ya nchi.Mwalimu napata hata aibu kukueleza hili hali imekuwa mbaya sana yaani hadi lile bunge tukufu ulilokuwa ukiliota lilifikia sehemu ya majungu na vituko kiasi kwamba tulifikiria kuzuia wanetu wasiwe wanaangalia kwa ajili ya kulinda maadili kwani huyu anamsema yule huyu anamzomea yule mwalimu tulifika pabaya.
   Mwalimu najua yapo mengi lakini naomba leo niishie hapa kwa kukumbusha kuwa walimu wameaanza kuhisi kuwa hukuacha ualimu kwa kuwa ulitaka udai uhuru bali ujua kilichokuwa kikifuata kwenye ualimu. Leo mwalimu ni mtu asiye huru mbele ya wengine kuichumi na kifikra , mwalimu anaonekana ni mtu aliyeshindwa kwingine, mwalimu masikini na anayeweza kutumika popote watakapo watawala sensa na kusimamia uchaguzi ni mahali pekee ambapo walimu hupambana ili waongeze vipato vyao.Nyumba hawana lakini ualimu umeonekana fani halisi kiasi kwamba wanaingia hadi wasioweza ambao huishia kulala na wanafunzi wao.Wanafunzi ndo kabisaa wamekuwa ni washindani wa walimu kwenye mambo mabaya.
Mwalimu pumzika sasa nitakuambia mengine ila nikuambie tuu siku hizi vijana wamekuwa wagumu kuheshimu dola kiasi kwamba hukejeli hadi ikulu sijui nani chanzo lakini hali ni mbaya. Pumzika kwa amani Mwalimu wasalimu Kolimba, Sokoine na Iddy Amin najua umemsamehe.



Friday, 7 October 2016

SALOME; BADALA YA KUMBEZA DIAMOND ANAHITAJI KUTIWA MOYO


Na.Mwanakalamu
Siku chache zilizopita mwanamuziki mahili nchini Tanzania na Afrika kwa ujumla alitoa wimbo ambao alimshirikisha mwanamuziki mwenzake aliye chini ya lebo yake ya WCB.Ni wimbo ambao ulitokana na wimbo uliofanywa miakazaidi ya kumi na tano iliyopita na mwanamama Saida Karoli.
Ni wimbo ambaon ulikumbusha hisia na nyakati hizo ambapo muziki wa bingo ffleva ndio kwanza ulikuwa ukifurukuta na kujitutumua ukijaribu kufunika zile nyimbo za nje na zile za asili ambazo hazikuwa zimefanikiwa kuteka hisia za wapenzi wengi wa muziki nchini.
Baada ya kuusikia ule wimbo nilitegemea mambo manne la kwanza ni kupongezwa kwa kufanya kitu ambato wengi waliona ni kigumu kufanyika kwa hofu ya kutafsiriwa kuwa 'wamefulia'.
Jambo la pili ni kebehi na kashfa kutoka kwa wasiomtakia mema mwanamuziki huyo ambaye muziki wa Tanzania una alama yake kubwa hadi sasa.Hawa ni wale ambao walimtabiria mwanamuziki huyo kushindwa hivyo daima hutafuta wapi aliposhindwa hivyo hujaribu kuunga unga unga kasoro ili tabiri zao zionekane kutimia.
Lakini jambo la tatu nililotegemea ni kukutana na wale watetezi na wafuasi wa muziki wa Diamond na wapenzi wengine wa muziki wakifunua nyimbo mbalimbali ambazo zilirudiwa duniani ili 'kuhalalisha'hiki alichokifanya Diamond.Pia nilitegemea kukutana na makala zinazojaribu kuwaelimisha 'hatters'ambao kwa mtazamo wangu hawahitaji elimu bali maombi ya kutolewa roho mbaya juu ya watu wanaofanikiwa.
Jambo la mwisho ambalo nililitegemea ni kuhusu kuibuka kwa watu ambao watajidai wanamtetea mwanamama Saida Karoli wakidai kuwa Diamond kamdhurumu na Diamond angeibuka na kutoa ushahidi wa taratibu kufuatwa katika kuurudia wimbo huo.
Hayo yote yalitokea na lakini hadi leo bado wadau wa muziki wanapata wasiwasi na shaka juu ya hiki alichokifanya Diamond wakisahau kabisa Mpango wa kurudia nyimbo za zamani uliffanyika hapa nchini japo haukuwa na mafanikio makubwa kama ilivyo kwa wimbo huu wa Salome ambao nina hakika utaleta tunzo nyingi huko mbele na heshima ya muziki wetu ambao daima tumeonekana tukichukia kusikia ladha za Naija.
Ilishafanyika kwenye Kimasomaso na Alikiba ambapo wimbo haikupewa heshima walau ya kufanyiwa video tena ukitolewa na wimbo mwingine ambao mwanamuziki huyo aliufanya kama ''comeback'' yake.Pia huenda aliyetoa wazo hilo ndugu Joseph Kusaga aliwaachia jukumu lote wanamuziki ambao walikuwa kwenye mpango wa kuzirudia nyimbo za kale.
Mwanafa pia aliirudia Yalaiti ya Bi kidude chini ya project ya KUsaga hii walau wimbo huu ulipata na video na kusumbua kwenye chati mbalimbali za muziki.
Lakini Diamond ameamua kuwekeza kwenye wimbo huu kama ilivyo kawaida yake ya kuipa thamani bidhaa yake yoyote, wimbo ambao kiukweli umetupa kile ambacho alikuwa akituhumiwa kukiua kwa muda sasa; Ubongofleva halisi ambao ulionekana kumezwa sana naUnigeria ambao haina ubishi ulimfungulia njia za kimataifa.Ametupa kile ambacho akina Navy kenzo na Banana Zorro wamekuwa wakitupa kila watoapo nyimbo.

Navy Kenzo wamekuwa wakitupa Mellody za Kiafrika zenye asili ya Tanzania kama ambazo leo hii Diamond ametupatia kwenye Salome ana Rayvany amemwonesha bosi wake kuwa hakukosea kumsainisha kwenye lebo yake.
Mwisho nawaomba watanzania kumpongeza Diamond kwa uamuzi huu ambao si tuu umemwamsha Saida Karoli kutoka kwenye usingizi mzito aliolala ama aliolazwa baada ya kukata tamaa baada ya kufanya kazi nzuri kwa muda mrefu na kuambulia mapato kidogo bali umeipa thamani muziki wa bongo kwa 'levo' aliyofikia Diamond ni ukweli usiopingika sauti ya simba imevuma nyika zote.
Diamond anatakiwa kupewa moyo aendelee na ujasiri huu ili hata keshokutwa Ben Paul akiurudia wimbo wa Mb Dog ama Maua Sama akiimba wimbo wa Stara Thomas asitarajie kukejeliwa.
Viva Diamond Viva Tanzania.
Nawasilisha.

Sunday, 2 October 2016

Ya Kajiandae na Nai Nai... Je historia kujirudia??


Na Steven Mwakyusa (Mtu Makini)
Jina la Ommy Dimpoz lilianza kusikikika miongoni mwa walio wengi miaka ya 2010 baada ya kuimba kibao matata kwa wakati huo kilichokwenda kwa jina la Nai Nai.. Ndani ya NaiNai kulikuwa na sauti ya Alikiba ambayo kwa upande mwingine iliwavuta wengi kutaka kujua hasa huyu Ommy ni nani?? Nainai iliweza kuteka soko la muziki na kumuweka Ommy katika ramani ya muziki!!

Ommy hakulala kwani aliendelea kutikisa na vibao kama Baadaye,  Tupogo aliyoimba na Jmartins,  Me & u ambayo iliweza kumtambulisha Vanessa Mdee pia Ndagushima na Miss Koi koi (ambayo haikuwa official release) ziliendelea kuwa hits zilizosumbua sana!!

Ilifika wakati kila msanii akatamani aimbe na Ommy,  kwa uchache Steve Rnb na kibao chake cha radio alifanya vizuri huku Number One ya Nemo nayo ikipasua anga la Bongo Fleva achilia mbali Chukua time ya Summa Mnazareth na Utamu ya Dully Sykes!!

Kuna wakati Ommy alisakamwa sana na vyombo vya habari za udaku wakati wa msiba wa Mangwea kwa kauli yake kwamba hataki kufa maskini na wamechoka kuzika wasanii maskini,  Ommy alishikiwa bango kwamba kamtukana Ngwea,  hivyo jina La Ommy likaendelea kusumbua vichwa vya habari vya magazeti pendwa na mitandao ya kijamii pia!!

Miaka ilisogea, Ommy alionekana akiwa na Tuzo za Alikiba kwenye tuzo za KTMA,  Baadaye tukasikia kaimba Wanjera ambayo ilishindwa kufua dafu mbele ya kazi zake zilizotangulia,  Achia body ni ngoma iliyofuatia lakini bado trend yake ikazidi kushuka chini!!

Sasa ni kama Ommy kashtuka kwamba anakoelekea siko,  ndipo akaamua kurudi alikotokea mwaka 2010 na NaiNai.. Hapa ndipo ikasikika project ya #Kajiandae humo ndani akiwemo yule yule aliyemuweka Ommy kwenye ramani ya muziki!

#Kajiandae imewakutanisha kwa mara nyingine Ommy Dimpoz na Alikiba.. Je tutegemee nini toka kwa hawa wawili?  Je watavunja rekodi ya NaiNai au uteam utaenda kuwabeba??

Friday, 16 September 2016

Kutoka Komando Jide hadi Ruby


Kuna wakati ubora wa msanii unaweza ukapimwa kwa idadi ya collabo anazopata!!  Msanii anapokuwa katika mafanikio basi wasanii kuanzia wanaoitwa underground mpaka wale wakubwa watatamani kufanya naye kazi!!

Hili pia limekuwa kielelezo cha mafanikio wa wasanii wa kike kwa hapa nyumbani!  Wengi wamekuwa wakishirikishwa katika nyimbo za wasanii wakubwa na wadogo hasa katika viitikio,  huku wakitaraji kuvuma kupitia majina ya wasanii husika!!

Kama ilivyo ada kila zama huwa na kitabu chake,  hivyo wasanii wa kike wamekuwa wakipokezana katika kugombewa kushirikishwa!

~Lady Jay dee ; Miaka ya mwanzoni ya 2000 kila msanii alitamani kufanya kazi na Lady Jaydee,  Jaydee alifanya collabo na wasanii lukuki kuanzia Mr II(Mambo ya fedha na Muda mrefu),  Mangwea(Sikiliza),  MwanaFa(Alikufa kwa ngoma,  Msiache kuongea na Hawajui),  AY(Machoni kama watu),  Mandojo na Domokaya (Wanoknok), Mike T (Hali halisi),  Prof J (Bongo Dar es Salaan)

~Stara Thomas: Wengi walimfahamu Stara T na kibao chake cha Mimi na Wewe na baadaye Wasi wasi wa mapenzi,  kama ilivyo ada naye alipata kushirikishwa na wasanii kama Mr II(Sugu na Kiburi), MwanaFa (Ungeniambia),  baadaye pia alifanya kazi na AT,  Linex pia Alikiba na Chidy Benz.


~Ray C: Akiwa anajitambulisha katika Bongo Flava na vibao matata kama Na wewe milele,  Uko wapi,  mahaba ya dhati,  Mapenzi yangu na Sogea sogea.,  alivuta wasanii  wengi kutamani kufanya naye kazi,  moja ya kazi maarufu alizofanya ni pamoja na Ingewezekana(Dknob), Nipe Mimi (Temba), Safi hiyo(AY), Watanionaje(Barnaba),  Mama Ntilie(At na Gerry), Kama vipi (Mez B), Niko Bar(Soggy)!  Zama za Ray C zilienda zikapita,  kiuno bila mfupa ikawa story!!


~Linah: Huyu baada ya kufanya vizuri na kazi kama Atatamani na Bora nikimbie alianza kuwa kimbilio la collabo kwa wasanii wa juu na wa chini,  Linah alifanya collabo kama Yalait(MwanaFa),  Kinomanoma (Chege na temba), Wangu(Amini),  Sitaki kuumizwa (Sajna),  Yatakwisha (Benpol), Mateso (Countryboy) na wasanii wengine wachanga!!



~ Maunda Zorro-Wakati Linah akiendelea kuvuta wasanii wengi katika collabo,  aliibuka Maunda Zorro ambaye vibao vyake vya Mapenzi ya wawili na Ni nawe vilivuta attention ya wasanii wengi kutaka kuimba naye!!  Wasanii waliobahatika kuimba na Maunda ni pamoja na Steve RnB (Usinihukumu),  K-One (Yule), Feruz(Mr Police Man), Squezer(My love) na TID(gere)!  Muda ulipita naye Maunda akapita mbaya zaidi na muziki wake ukapita!!

~Ruby-Huyu ndiye ambaye kwa sasa wasanii wengi wanatamani kufanya naye kazi wakiamini wanaweza kufika mahali!  Akiwa tayari mkononi ana kazi kama Na yule,  Sijutii na Forever,  Ruby amefanikiwa kufanya kazi kama Nivumilie (Barakah the prince), Ayaya(Abdu Kiba)!  Pia kumekuwa na malalamiko ya baadhi ya wasanii kukataliwa collabo na Ruby,  na mmojawapo aliyepaza sauti ni Timbulo!  Ni Ruby pia aliyekataa kushiriki matamasha ya fiesta kwa kile anachodai kuwepo kwa maslahi duni!!


Je Ruby atafika wapi?  Ataweza kuvunja record za waliomtangulia?  Je yeye kama yeye atafika wapi na muziki wake?  Ni suala la muda tu!!

Na Steven Mwakyusa @2016

Monday, 12 September 2016

September 11 tarehe inayowaliza Wamarekani


Ilikuwa majira ya asubuhi,  Jumanne ya tarehe 11 mwezi septemba mwaka 2001 ambapo dunia ilipatwa na mshtuko kutokana na mashambulizi ya kigaidi ndani ya ardhi ya Marekani!

Yalikuwa ni mashambulizi ya aina yake kwa namna yalivyoratibiwa na kutumia ndege kama silaha!!  Magaidi walifanikiwa kujipenyeza ndani ya ndege kama abiria wa kawaida na baadaye kufanikisha utekaji na kufanya mashambulio!!

Ndege mbili zilitekwa na kushambulia majengo pacha ya kituo cha biashara cha kimataifa (WTC)!  Ndege zilizohusika ni American Airlines Flight 11 na United Airlines!

Ndege nyingine American Airlines flight 75 ilishambulia yalipo makao makuu ya jeshi la Marekani(Pentagon) huko Arlington County katika jimbo la Virginia!

Ndege ya nne ilitekwa na kuelekezwa kwenda katika mji wa Washington DC ... na inasemekana target ilikuwa ni kushambulia ikulu ya Marekani,  ndege haikufanikiwa kufika WDC na ikaanguka katika jimbo la Pennsylvania!!  Duru za awali zilidai kuwa abiria walijaribu kupambana na magaidi hali iliyopelekea hiyo ndege kuanguka,  hii ilikuwa ni United Airlines Flight 93!!

Takribani watu 3000 waliuwawa huku wengine zaidi ya 6000 wakijeruhiwa... Mashambulio haya yalisababisha hasara ya jumla $3 trillion!!

Baada ya tukio la Sept 11 lawama na shutuma mashambulizi ziliangushiwa kwa kundi la Al-Qaeda!!  Osama Bin Laden kiongozi mkuu wa kundi hilo alikana kuhusika kwa namna yeyote ila aliwapongeza wale waliotekeleza hayo mashambulio!!

Haukupita muda serikali ya Washington chini ya Rais George Bush iliitaka serikali ya Afghanstan ambayo ilikuwa chini ya utawala wa Taliban imkabidhi Bw. Osama mikononi mwa serikali ya Marekani mbali na hapo ingekabiriwa na mashambulio ya kivita!!  Siku ziliyoyoma,  serikali ya Taliban chini ya Mullar Omar iligoma kumkabidhi Osama,  mashambulio ya anga na hatimaye ya ardhini yalifanyika na kuufutilia mbali utawala wa Taliban!! Northen Alliance waliokuwa waasi kwa wakati huo walifanikiwa kudhibiti mji wa kabul wakisaidiwa na jeshi la Marekani!!

Licha ya mashambulio makali hasa katika milima ya Torabola ilikodaiwa kuwa ndiko yalikuwa makazi ya magaidi katika mahandaki,  si Osama wala Mullah Omari aliyepatikana!!
--------*------

Sasa takribani miaka 15 imepita toka mashambulio haya,  wapo wanaoamini kwamba Us haikushambuliwa bali lilikuwa tukio la kutengenezwa tu ili kukamisha mission zao!  Hizi zinaitwa conspiracy theories,  ambazo mara nyingi huwa zinaacha maswali mengi yasiyo na majibu!

Sunday, 11 September 2016

Ya Mabinti(Mwanafalsafa) na Kama unataka demu(J-moe) Ni muingiliano wa mawazo ama kuigana?


Baada ya Mwanafalsafa na J-Moe kukutana katika kibao cha "Ingekuwa vipi" haukupita muda wakaja kukutana tena kwenye idea za nyimbo zao!!
Mwanafalsafa aliibuka na kibao alichokiita "Mabinti" huku Jmoe akija na "Kama unataka demu"

Wakati Mwanafalsafa alimshirikisha Miriam SK yeye Jmoe alimshirikisha Q chief pamoja na Solo Thang Ulamaa...

Mfanano wa nyimbo

Wote waliegemea kwenye kusifia wanawake ambao walikuwa na majina na wasiokuwa na majina pia,  Mwanafalsafa alionesha kuwa addi ted yaani dam dam  wanawake wenye sifa tajwa... Huku upande mwingine Jmoe akihitaji demu mwenye sifa alizozianisha...

Watu maarufu waliotajwa na wote wawili
1.  Mercy Galabawa
Ila ataweza kuimba vipi Rnb kama Stara
Hii ni sawa na Mercy Galabawa leo kuwa msela-Jmoe
Mwili utakaokufanya upende love kama Mercy Galabawa
Na macho yanayovuta kama ya Miriam wa Ikoa unaweza utangaze ndoa

2.  Aminata Keita
Kama nitataka mwanya nafahamu wapi nitapata
Muite Aminata wa Keita.... Mwanafalsafa
Tukisema Miss Aminata Keita haina noma
IFM watakona muda wote ambao atasoma-Jmoe

3. Zay B, Jay dee & Ray C
kifua kama cha Zay B,  kiuno kama cha Ray C na pozi kama za Jaydee-Mwanafalsafa

Nini Gado kama Zay B... Mrefu kama Basila... Designer Khadija mavazi akatuoneshee Kajala..
Nitaakikisha hakuna machozi kama Kama Jaydee
Sitazuia akisema anakuja kama Sister p-Jmoe

4. Happiness Magesse
Warefu warembo kama twiga mithili ya Happy Magesse
Mrefu siyo mfupi na nyama siyo mwembamba
Hewani kama Gesse kiuno kama Odemba-Solo Thang

5. Radhia wa Unique Sisters
Miondoko kama faudhia
Au ungependa kithethe mithili ya Radhia? -Mwanafalsafa

Lafudhi iwe tamu siyo kithethe ka Radhia
Hapo mimi nitadata kama Nature kwa Sonia-Solo Thang

Wote wawili walitaja kusifia watoto wa matajiri
Katika verse ya tatu Mwanafa anasema "Kuna mabinti wapo kamili kila idara

Familia bora akili zisizolala"


Huku Jmoe katika verse ya kwanza akisema "Bora nitoke makumbusho niende zangu Knyama, kwenye watoto wa geti kali baba mama tajiri"

Pia wote waliwataja akina Seven,  Kibibi na Regina

NB: Huwa napata shida kuamini kama huu ulikuwa mgongano wa mawazo tu, japo wao walituaminisha hivyo!
Ila Kama unataka demu ya Jmoe ni my favorite!

Je wewe ipi ilikubamba,  Mabinti au Kama unataka demu?

Steven Mwakyusa @2016