Thursday, 20 April 2017

Daz Baba wa Daz Nudaz

Na.Steven Mwakyusa (Mtu Makini)
Baada ya Feruz kufanya poa na kufanikiwa kuachia album yake aliyoiita Safari, Ilifata zamu ya mkali mwingine katika DNF akiitwa Daz Mwalimu ambaye baadaye alikuja kujiita Daz Baba!!

Kibao cha mwanzoni kabisa kumtambulisha kama solo artist kiliitwa Wife akiwa na Ngwea, Baadaye Daz Baba alisikika katika Namba 8 akiwa na Fid Q na Baadaye katika Nipe 5 akiwa na wasanii wenzake wa Daz Nundaz...

Kama ilivyokuwa Wife na Namba 8, Nipe 5 iliweza kushika chart za juu kabisa katika muziki na hii ikamwezesha kuingiza sokoni album yake aliyoiita Elimu Dunia, Elimu dunia ilikuwa jina la album pia jina la wimbo ambao aliwashirikisha Afande Sele pamoja na Feruz!

Albamu hii pia ilisheheni vibao kama Usiku huu ft Mr Blue, Rastaman, Mwalimu, Unavyofanya, Raia na usinihukumu!

Pia Daz Baba alipata kushirikishwa katika vibao vingi maarufu kwa wakati huo vikiwamo Niko Busy ya Jaffarai na Huyu Jamaa ya Boni Crew pia Kulwa na Dotto ya Soggy Dogy Hunter!

Itoshe tu kusema hii ni moja kati ya  album bora kupata kutokea kwenye muziki wetu huku ikisheheni nyimbo zenye mafunzo makubwa katika jamii, kuanzia elimu dunia, usihukumu, mwalimu, rastaman, usihukumu, unavyofanya hata na ile wife bado ni applicable kwa sisi tunaoandamwa kila siku kuhusu kuoa.
Huyu Daz Baba 2004 alituambia ashakuwa mtu mzima..na anahitaji wife, sijui alishapata?

NB; My favourite tracks toka kwenye elimu dunia ni Wife, Nipe 5, Unavyofanya na Elimu dunia!! 

Elimu dunia Album ( Tracklist)

1. Elimu dunia(ft Afande Sele & Feruzi)

2. Namba 8 (Feat Fid Q)

3. Usihukumu

4. Raia

5. Unavyofanya

6. Rastaman

7. Usiku huu(ft Mr Blue & Critic)

8. Wife(ft Ngwea)

9. Nipe 5 (ft Daz Nundaz)

10. Mwalimu

FEROOZ WA DAZ NUNDAZ

Na.Steven Mwakyusa (Mtu Makini)

Baada ya kufanya vizuri ndani ya kundi la Daz Nundaz... Ferooz aliibuka na project ya peke yake alouokwenda kuiita Starehe!

Starehe ndiyo wimbo ambao ulimuweka katika chart za juu kwa wakati huo, huu maudhui yakiwa ni mtu ambaye aliendekeza starehe na hatimaye kuishia kuugua maradhi yanauohusiana na AIDs. Katika Starehe alikuwemo nguli mwingine wa wakati huo akijulikana kama Prof J. Uzinduzi wa Starehe ulianzia jijini Dsm na baadaye album ikaenda kutambulishwa katika jiji la Bujumbura, november 4 ya mwaka huo huo 2004 ilikuwa zamu ya Zanzibar katika ukumbi wa Ngome kongwe!

Itoshe tu kusema Starehe ni moja ya nyimbo kubwa kupata kitokea katika muziki ya Bongo Fleva, hii ni kuanzia mashairi/ujumbe, mpangilio wa sauti na uwezo wa kughani achilia mbali production ya P funk Majani!!

Vibao vingine vilivyopata umaarufu ilikuwamo Boss aliyoimba na Solo Thang pia Juma Nature, Jirushe Part 2 aliyofanya na J moe pia ilitosha kumweka katika chart za juu pia!!

Vibao vingine vilikuwa pamoja na Njoo, Jahazi, Jirushe Part 1 ft Scout Jentaz pia Safari!

DAZ NUNDAZ FAMILY; KUNDI LILILOONDOKA NA LADHA YAKE KATIKA BONGO FLAVA!!


Na.Steven Mwakyusa (Mtu Makini)
Daz Nundaz Family ni moja ya kundi ambalo lilipata umaarufu mkubwa sana miaka ya 2000, kundi lilikuwa likiundwa na Feruz, Sajo, La Rhumba, Daz Mwalimu na Critic!!

DNF walifanikiwa kufahamika masikioni mwa wengi na kibao chao cha kamanda ambao kilirekodiwa Fm studio chini  ya producer mahiri wa kipindi hicho akijulikana kama Mika Mwamba!!

Baadaye DNF walitamba na kibao cha Barua na hatimaye wakafanikiwa kuzindua album yao waliyoiita Kamanda ambayo walikuja kuizundua tarehe 25 ya mwezi May mwaka 2002!!

Album ilisheheni vibao vingine kama Nitafanya, Matatizo, Maji ya Shingo (og na rmx)na Shuka Rhymes...

Uzinduzi wa DNF ulipamba na wasanii waliokuwa wanatamba kwa kipindi hicho wakiwemo HBC (Niamini), Waswahili(kila mtu na starehe yake), wagosi(kero), Mwanafa(showtime), Wachuja nafaka (Mzee wa busara), Gk (Sister sister), Afande Sele (Mayowe).

Baada ya Album ya Kamanda Feroz na Daz Baba walifanikiwa kuja na album zao kama Solo Artist na waliweza kuteka mashabiki lukuki, wengine waliobakia walishindwa kifurukuta kabisa huku Critic akiishia kutoa kibao chake cha Mnizoee!

Baadaye DNF kama kundi walifanikiwa kutoa vibao kama Jahazi na Kwenye line, baada ya hapo Feruz na wenzake walitoa kibao kikiitwa Kijana Mteja ikisemekana walimuimba  mwenzao Daz Baba ambaye alitopea kwenye madawa ya kulevya!

Hivyo basi DNF inaendelea kuwa moja ya kundi lililokuja na ladha ya kipekee katika Bongo flava huku nyimbo nyingi zikiwa za majonzi, Mfano Kamanda ilishindwa kurekodiwa mwanzoni katika studio za Bongo Records kwa madai kwamva eti P alisema yeye harekodi Kwaya, hii ndiyo sababu iliyowapeleka fm studio..Bongo Records walirudi baadaye baada ya kusikika na vibao kadhaa!

NB; Kwa upande wangu my favourite tracks toka kwa DNF ni pamoja na Nitafanya, Matatizo, Jahazi na Kwenye line! Je wewe ni vibao gani ambavyo bado unavikumbuka toka kwa wakali hawa wa DNF?

Thursday, 6 April 2017

TANZANIA VS KENYA, MUZIKI ULITUUNGANISHA ZAIDI!!

Na.Steven Mwakyusa (Mtu Makini)

Kwenye miaka ya 2000 baada ya muziki wa bongo flava kushika chatt hapa nyumbani, baada ya muziki wa dansi kula mweleka kulitokea muingiliano mkubwa kati ya muziki wa Tz(Bongo Flava) na muziki wa Kenya(genge). 

Muingiliano ulikuwa mkubwa na ilikuwa kawaida kwa wasanii wa kenya kuja kufanya ngoma tz, au kushirikishwa na wasanii wa hapa nyumbani! Pia wasanii wa hapa nyumbani waliweza kuvuka mpaka na kufanya kazi kenya na kutengeneza ladha ya kipekee kabisa!!

Mwanzoni walianza Majizee ambao walifanya collabo na Solo thang Ulamaa wimbo ukienda kwa jina la Semeni! Collabo hazikuishia kwenye Semeni ya Majizee peke yake, K South nao walifanikiwa kufanya kazi na Juma Nature, ngoma ikienda kwa jina la 'Tunafanya kazi"...

Ikionekana kabisa kuvuka kwao mpaka kuliumiza vichwa vya wengi, Msanii Bw. Misosi katika Nitoke vipi alihoji kuhusu ujio wa K South hapa nchini, namnukuu "K south toka Kenya hivi ni wasanii, sidhani kama wamekuja kwa sanaa bali utalii!

Bamboo naye hakuwa nyuma, huyu alifanya poa katika "mambo sawa" kazi ambayo alimshirikisha Prof J. Baada ya mambo sawa, bamboo alifanya kazi nyingine ikienda kwa jina la "Kabinti" huku akitumia beat ya "Alifu kwa ujiti" ya Fatma na Jos Mtambo! Na alipoulizwa kuhusu hiyo beat alijibu kwamba kaiokota!!

Naaziz wa Necessary Noise naye alishirikishwa katika wimbo wa TID, watasema sana huku Nyota ndogo yeye akishirikiana na Mr Blue katika kibao cha Mpenzi!

Q chief pia aliweza kufanya vibao kadhaa akiwashirikisha Noonini pia kuna kibao aliimba na Nyota Ndogo

Pia kulitokea collabo moja matata toka Bongo records, wimbo uliitwa Bongo Records...humo ndani kulikuwa na Wyre, Naaziz, Solo thang, TID na J moe to mention few!

Studios/producers wa Kenya kama Ogopa Deejays walipata umaarufu mkubwa hapa nyumbani!

Wasanii kama Aman na Prezoo waliweza kujipenyeza katika soko la hapa nyumbani, huku wasanii kama Noorah, Ay, Mwanafa nao wakiweza kufanya kazi mbali mbali nchini Kenya!

Lakini ni kipi kiliua huu ushirikiano? Je ni muziki upo juu zaidi katika ya muziki wa Tz na wa Kikenya? Je unafikiri zile zama zinaweza tena kujirudia?

Friday, 31 March 2017

J MOE ANAPORUDISHA FIKRA ZETU NYUMA

Na:Steven Mwakyusa(Mtu Makini)

"Samahañi kama nimekukwaza baba lake
Ila ukweli ukubalike..
Mi analogy siyo social network
Nyie instagram ndo imefanya muwike.."


Hii ni moja ya mistari ya J moe katika ngoma yake ya "nisaidie kushare"...
Hii mistari imenirudisha nyuma kipindi cha analogy, ambapo sisi wapenzi wa muziki ilikuwa shughuli pevu kuzipata nyimbo za wasanii!!
Bila kutega masikio redioni ilikuwa ngumu sana kupata chochote, radio kama RFA, Kiss FM na Radio one zilipata umaarufu karibia nchi nzima. Vipindi kama Showtime, DJ show, African Beats, Weekend show na Weekend fever ilikuwa ni dhambi kubwa sana kuvikosa!!
Madj na watangazaji maarufu kwa kipindi hicho walitoa burudani ya uhakika wakiwemo akina Kid Bway, Fred Waa, Lazaro Matarange,  Glory Robinson, Abubakari Sadick kwa fujo, Soggy Dogy, Dj Venture, Dj Ommy na wengine walifanya muziki kuwa na ladha ya kipekee...
Kwa mwanzoni kupata nyimbo mpya ilikuwa mpaka unyonye redioni, hapa ilikuwa mpaka utegee usiku ndipo unapata quality ya kueleweka ambayo haina matangazo. Kwahiyo kukaa na radio mpaka saa 7 usiku show zinapoisha ilikuwa kawaida sana ili angalau usumbue watu mchana!
Mbali na kunyonya redioni option iliyokuwepo ni ya kusubiri albums, hapa ndipo ushabiki wa kweli ulipokuwa unaonekana na si hizi kelele za social networks, albums kama Funga Kazi, Ulimwengu ndo mama, historia ya kweli, Nini chanzo, Kima cha chini, Machozi jasho na damu na Jasho la Mnyonge ziliuza copy kila kona ya nchi!!
Kwa wale wasanii waliokuwa wakitoa wimbo mmoja mmoja, nao tuliwapata kwenye compilation albums, albums kama "Kali za bongo" zikiwa na vol 1, vol 2 na kuendelea zilifanya ladha ya muziki kuwa ya kipekee kabisa!! Hizi compilation nazo zilikuwa zikisubiriwa kwa hamu na walio wengi!!
Baadaye zikaanza kuja cd, na habari za kuburn nyimbo ikashika chatt, hivyo basi kuwa na cd yenye nyimbo mpaka 15 ndiyo ulikuwa ujanja! Baadaye zikaja flash na na baadaye zaidi zikaibuka hizi social networks, taratibu umaarufu wa radio na watangazaji ukaanza kushuka chini, kinachoitwa albums kikapotea kabisa, kuapatikana nyimbo ikawa rahisi zaidi huku ikiacha pigo kwa wasambazaji wa albums kama akina MAMU na wengine!
Hivyo J moe anaposema yeye ni analogy yupo sahihi, analogy ilikuwa analogy kweli..ushindani ulikuwa katika mashairi, uwezo wa kuflow na beats kali, lakini sasa watu wanakaa kusifia videos, ule ubunifu kama wa Ndiyo Mzee, Kibanda cha Simu, Mvua na Jua, Vina Utata na Mayowe haupo tena!!
Ushindani umehamia kwenye viewers youtube na followers Insta, ubunifu uko kwenye photoshoot na si vinginevyo! Hakuna namna ni nyakati tu ndizo zinazoamua, ila I wish ule ushindani urudi tena, hakika ulifanya muziki kuwa wa namna yake!!

Saturday, 11 March 2017

RIWAYA;NITARUDI ARUSHA SEHEMU YA TANO


"Ndiyo nesi kuna tatizo lolote"Niliamua kukubali baada ya kufikiri kidogo kwani kukataa kungenifanya nitoe majibu ambayo yangeongeza maswali mengi zaidi ya kumtaka mume wa Mama John ingawa jibu lile nalo lingeniweka kwenye wakati mgumu wa kuiibu maswali ambayo yangetaka majibu sahihi zaidi.
" Sawa, alikuwa ikihudhuria kliniki wapi?" Alijiuliza swali ambalo hata sikutegemea kuulizwa hivyo kunifanya nijute kudanganya.

Tuesday, 7 March 2017

MIE KUWA MWANAMKE


MIE KUWA MWANAMKE
Ni fahari na heshima,shukrani kwa muumba,
Najivunia daima,sitozijali kasumba,
Tangu zama za ujima,mama nguzo ya nyumba,
Mie kuwa mwanamke, ni thawabu kubwa sana.

Timamu hata kilema,ninayo kubwa thamani,
Nilizaliwa na mema,na pendo kubwa moyoni,
Mgonjwa na siha njema,bado ninayo amani,
Mie kuwa mwanamke,ni thawabu kubwa sana.

Nazaliwa kuwa mama,mlezi aliye bora,
Niwe mwana mkulima,tajiri ama fukara,
Daima nitasimama,sitotishwa na bakora,
Mie kuwa mwanamke,ni thawabu kubwa sana.

Zimepita nyingi zama,zenye mila za karaha,
Siwezi waza kuhama,kuitafuta furaha,
Nitatumia hekima,hadi kuipata raha,
Mie kuwa mwanamke,ni thawabu kubwa sana.

Mila ziletazo homa,ni vyema kuzikomesha,
Kama italetwa ngoma,iwe siyo ya kukesha,
Pia nataka kusoma,na wanetu kusomesha,
Mie kuwa mwanamke,ni thawabu kubwa sana.

Sitaki kuwaza nyuma,nyakati zilizoliza,
Tuliponyimwa kusema,kigoli hata ajuza,
Pia tuliachwa nyuma,marufuku kuongoza,
Mie kuwa mwanamke,ni thawabu kubwa sana.

Mwana akiwa na homa,mama wa kwanza kujua,
Akihitaji huduma,mama atamuambia,
Mwanzo na mwisho wa juma,mama amuangalia,
Mie kuwa mwanamke,ni thawabu kubwa sana.

Sasa mama asimama,kuwaongoza wengine,
Pia anafanya hima,awahi kazi nyingine,
Si kusoma si kulima,hafanyi ili mumwone,
Mie kuwa mwanamke,ni thawabu kubwa sana.

Siri ya nyumba ni mama,mle ama mkalale njaa,
Anayo ile huruma,hadi baba ashangaa,
Kiazi atakichoma,mle akigaagaa,
Mie kuwa mwanamke,ni thawabu kubwa sana.

Mama mama mama mama,jina tamu kwa mtoto.
Hata mbu akimwuma,tadhani kachomwa moto,
Dole mwiba ukichoma,utasikia muito,
Mie kuwa mwanamke,ni thawabu kubwa sana.

Maziwa kapewa mama,na uchungu maksudi,
Kapewa nyingi dhima,mama kapewa juhudi,
Kumsifu sitokoma,kumweshimu sina budi,
Mie kuwa mwanamke,ni thawabu kubwa sana.

Nikome hapa kwa leo,kujivuna kuwa mama,
Kwenu mama wa kileo,tunzeni hadhi ya mama,
Mama ninakupa vyeo,najivuna kuwa mama,
Mie kuwa mwanamke,ni thawabu kubwa sana.

HONGERA KWA MAMA WOTE DUNIANI

Sunday, 5 February 2017

KWA MEDA CLASSIC



Nianze kwa pongezi kwa hatua hii uliyofikia, wimbo mzuri kuanzia, tune , mashairi na video safi kabisa.Najua ni safari ndefu hadi kufika ulipo naiona video ipo #21 trending youtube si kitu kidogo ni hatua kubwa sana.
Najua wengi watahisi ni mwanamuziki mpya kwa ukubwa wa wimbo huu ulivyo kumbe ni safari ngumu yenye vilima tambarare na mashimo lukuki.Nilikusikia kwa mara ya kwanza ulipoimba wimbo wa "Barua kwa Diamond" (huenda haukua wimbo wako wa kwanza) , nilikiona kipaji chako nikatamani kusikia ukitoa wimbo mwingine ukipita njia zako yaani mbali kabisa na uimbaji wa Diamond ambao wengi walihisi huwezi kuimba zaidi ya hapo.
Nikaja kusikia ngoma mbalimbali kama Kongoi,somebody Alele, Salary,hadi Tiffah.Niseme ukweli wimbo wa Tiffah uliniboa, si kwamba ulikuwa mbaya ama nilimchukia Tiffah hapana ni kwa sababu niliona ukirejea kule ambako ulikwisha vuka kule kufanywa kama shabiki tuu wa Diamond wakati nyimbo zako kadhaa zilishaanza kukutambulisha kama Meda Classic mwenye kipaji kikubwa sana.
Nilikuja kukusikia ukihojiws kwenye kipindi kimoja EATV , ulikuwa ukitambulisha wimbo , nikaja kujua kuwa mliwahi " kuhustle" na Harmonize hivyo ulifurahia mafanikio yake. Hapo nafsi ilifarijika na kukuona una malengo ya kufika kule walikofika wengi kwani kwako nilikiona kipaji kikubwa zaidi ya wengi waliofika mbali. 
Nikasubiri ngoma kali , ukashirikishwa na Nas nikajua waja .
Ukaja nivunja moyo ulipotoa Kokoro remix nikadhani unataka tena kurudi nyuma , niseme ukweli nilivunjwa moyo kuona kipaji chako ukikificha licha ya kuwa uliiimba vyema hiyo kokoro remix lakini nilijua utaja puuzwa tuu huku unacho kipaji cha kuimba na kutunga.
Lakini sikuchoka nikaandika hadi makala kwenye blog ya Kalamu Yangu yenye kichwa hiki kikeracho "Meda Classic achana na Diamond fanya yako" sikuwa na hakika kama utapata ujumbe ila kwa kuwa wote tuna marafiki Iringa basi ungekufikia hata kwa kuchelewa.
Nikiwa nimekata tamaa juu ya kipaji chako kupotea nikakutana na taarifa ya wimbo wako kwa Millard kilichonikera hata mwandishi alikutambulisha kama ' Aliyeimba barua kwa Diamond' ila nikajua huo ulikuwa mwisho wa kuitwa hivyo utaitwa Meda Classic ,Meda wa Sidhani na ngoma nyingine kali kabla ya kuwa Meda ambaye kila mtu atamfahamu kama mwanamuziki mwenye hitsongs za kumwaga.

Hongera Meda classic usirudi nyuma , najua nitatoa hiyo link ya sidhani kwenye bio yangu na kuuweka wimbo wako mwingine mpya mzuri kuliko sidhani.

JESHI LIMESHATEKWA,VITA HAKUNA TENA



Na.Mwanakalamu.
Wiki chache zilizopita ilisambaa video mitandaoni ikionesha tendo la aibu ikimwonesha mtoto mmoja ambaye alikuwa akifanyiwa ama tusema akifanya ngono.Ilikuwa ni video ambayo kama tusingekuwa na unafiki ingepotea na kufutika kabla haijafika mbali.Ingekuwa kipindi cha mtoto wa mwenzio ni wako video ile isingepata nguvu hata leo mie kuiongelea.Sikujisumbua kuisaka ile video ya aibu kwani najihisi bado nipo katika zama za mtoto wa mwenzio ni wako, zama ambazo wengi wetu tulizitupa mara tuu tulipopata simu za kupangusa, simu janja zitufanyazo tuwe karibu zaidi na dunia ya kwanza.
Ilisemwa na kujadiliwa kwenye mitandao ya kijamii wengi wakimhusisha binti aliyekuwa akioneakana kwenye video ile na binti wa mwigizaji mmoja maarufu nchini hivyo kuzua mabishano ya kinafiki wengi wakibisha kutaka kuthibitisha na si kule kubisha kuwa 'siye' wakimaanisha.
Nikiwa mmoja wa wafuatiliaji wa 'forum' maarufu nchini niliufuatilia mjadala ule ambao ulikuwa wa ''Mwenye hiyo video anitumie'' na si kutatua shida ile iliyoikumba familia ile , sijui kwa kusingiziwa ama ukweli.Kuna wachangiaji walioenda mbali wakidai malezi ya yule mtoto anayefananishwa naye yamesababisha ahusishwe kwenye kashfa hiyo nzito, hao waliwalaumu wazazi wake kuwa chanzo cha yote.
Wengine walidai ilikuwa ni video ya muda zaidi na ilishasambaa kabla ya hapo , lakini kuna wengine huko instagram waliwataka watu kuwatumia shilingi 1500/= ili watumiwe hiyo video.
Nilijikuta nazidi kuelewa tulipofika,nikaelewa tulivyo tu wema na wastaarabu mbele ya watujuao lakini kinyume cha hapo tunaonesha maana halisi ya tabia zetu.
Mtu anafurahia kuisambaza hata kwa kuiuza video chafu ya binti wa watu ambaye hata iwe kwa hiari yake ama kwa lazima hakuna uhalali wa kusabazwa bicha hiyo kwa maadili natamaduni zetu zitakavyo.Lakini kuna mtu kwa kutumia utambulisho feki kwamba hatofahamika pia yupo radhi kutoa pesa kupata video chafu.
Je, angekutana na picha ya dada yake, mama yake ujanani,bintiye ama hata mke wake utotoni atafanya nini?
Lakini kwa kuwa na hakika huyo ni mama wa mwingine baadaye, mke wa mwingine baadaye ama dada na binti wa mwingine, atatigwa kuipakua na kuisambaza kwa nguvu zote.
Ile vita inayotangazwa juu ya mazoea mabovu kama hayo ya kusambaza picha chafu ni ya kwenye vitabu na nakala za serikali tuu na si serikali.Serikali iundwayo na watu , watu wenye mawazo machafu kama hayo yasiyo na soni nyuma ya kamera ama macho ya wengine haipo tena, atapigana nani wakati wanajeshi wake ambao ni watu hawapambani nayo bali wameshakuwa mateka na watumwa wakubwa wafurahiao utumwa wao?
Leo kila mmoja anaamua namna ya kumlea mwanaye akiaswa anadai ni wake msimwingilie, leo kuna majasiri wa kumbaka kwa lazima ama ushawishi na kumrekodi ama kumpiga picha na kuzisambaza mitandaoni na kupata umaarufu kwa kuisambaza picha hizo zikafika mbali na kuharibu ule ubinadamu tuliokuwa nao mwanzo.
Leo vyombo vya habari vimekuwa chanzo cha kuyapeleka mbali mambo hayo na leo nimeshtuka kituo kile kile kimelizua lingine kumuhusu mwigizaji.Watashangiliwa kwa sababu hakuna anayepambana wanajeshi wamekuwa mateka , hakuna vita tena.
Sijui hao watangazaji ama wasambazaji wa hizo video wakikutana na picha za mama zao, wake zao ama wadogo na dada zao watafanya nini, bahati mbaya ni wanawake wachache sana ambao wanapambana ingawa ni waathirika wakubwa wa jambo hilo.
Wamekuwa waoga kwani hawaamini kuwa wapenzi wao hawajawahi kuwapga picha hizo na zipo kwenye simu hivyo watakuwa kimya ma kujifanya kupambana kwa kuhofu kutokuwa salama.
Wanaume nao wamekuwa MAPUNGUANI hawaambiliki hadi watapokutana tupu za mama zao (Ashakum si matusi) akili zitawakaa sawa.

Wanajeshi watekwa vita hakuna tena.
JESHI LIMESHATEKWA,VITA HAKUNA TENA
Na.Mwanakalamu.
Wiki chache zilizopita ilisambaa video mitandaoni ikionesha tendo la aibu ikimwonesha mtoto mmoja ambaye alikuwa akifanyiwa ama tusema akifanya ngono.Ilikuwa ni video ambayo kama tusingekuwa na unafiki ingepotea na kufutika kabla haijafika mbali.Ingekuwa kipindi cha mtoto wa mwenzio ni wako video ile isingepata nguvu hata leo mie kuiongelea.Sikujisumbua kuisaka ile video ya aibu kwani najihisi bado nipo katika zama za mtoto wa mwenzio ni wako, zama ambazo wengi wetu tulizitupa mara tuu tulipopata simu za kupangusa, simu janja zitufanyazo tuwe karibu zaidi na dunia ya kwanza.
Ilisemwa na kujadiliwa kwenye mitandao ya kijamii wengi wakimhusisha binti aliyekuwa akioneakana kwenye video ile na binti wa mwigizaji mmoja maarufu nchini hivyo kuzua mabishano ya kinafiki wengi wakibisha kutaka kuthibitisha na si kule kubisha kuwa 'siye' wakimaanisha.
Nikiwa mmoja wa wafuatiliaji wa 'forum' maarufu nchini niliufuatilia mjadala ule ambao ulikuwa wa ''Mwenye hiyo video anitumie'' na si kutatua shida ile iliyoikumba familia ile , sijui kwa kusingiziwa ama ukweli.Kuna wachangiaji walioenda mbali wakidai malezi ya yule mtoto anayefananishwa naye yamesababisha ahusishwe kwenye kashfa hiyo nzito, hao waliwalaumu wazazi wake kuwa chanzo cha yote.
Wengine walidai ilikuwa ni video ya muda zaidi na ilishasambaa kabla ya hapo , lakini kuna wengine huko instagram waliwataka watu kuwatumia shilingi 1500/= ili watumiwe hiyo video.
Nilijikuta nazidi kuelewa tulipofika,nikaelewa tulivyo tu wema na wastaarabu mbele ya watujuao lakini kinyume cha hapo tunaonesha maana halisi ya tabia zetu.
Mtu anafurahia kuisambaza hata kwa kuiuza video chafu ya binti wa watu ambaye hata iwe kwa hiari yake ama kwa lazima hakuna uhalali wa kusabazwa bicha hiyo kwa maadili natamaduni zetu zitakavyo.Lakini kuna mtu kwa kutumia utambulisho feki kwamba hatofahamika pia yupo radhi kutoa pesa kupata video chafu.
Je, angekutana na picha ya dada yake, mama yake ujanani,bintiye ama hata mke wake utotoni atafanya nini?
Lakini kwa kuwa na hakika huyo ni mama wa mwingine baadaye, mke wa mwingine baadaye ama dada na binti wa mwingine, atatigwa kuipakua na kuisambaza kwa nguvu zote.
Ile vita inayotangazwa juu ya mazoea mabovu kama hayo ya kusambaza picha chafu ni ya kwenye vitabu na nakala za serikali tuu na si serikali.Serikali iundwayo na watu , watu wenye mawazo machafu kama hayo yasiyo na soni nyuma ya kamera ama macho ya wengine haipo tena, atapigana nani wakati wanajeshi wake ambao ni watu hawapambani nayo bali wameshakuwa mateka na watumwa wakubwa wafurahiao utumwa wao?
Leo kila mmoja anaamua namna ya kumlea mwanaye akiaswa anadai ni wake msimwingilie, leo kuna majasiri wa kumbaka kwa lazima ama ushawishi na kumrekodi ama kumpiga picha na kuzisambaza mitandaoni na kupata umaarufu kwa kuisambaza picha hizo zikafika mbali na kuharibu ule ubinadamu tuliokuwa nao mwanzo.
Leo vyombo vya habari vimekuwa chanzo cha kuyapeleka mbali mambo hayo na leo nimeshtuka kituo kile kile kimelizua lingine kumuhusu mwigizaji.Watashangiliwa kwa sababu hakuna anayepambana wanajeshi wamekuwa mateka , hakuna vita tena.
Sijui hao watangazaji ama wasambazaji wa hizo video wakikutana na picha za mama zao, wake zao ama wadogo na dada zao watafanya nini, bahati mbaya ni wanawake wachache sana ambao wanapambana ingawa ni waathirika wakubwa wa jambo hilo.
Wamekuwa waoga kwani hawaamini kuwa wapenzi wao hawajawahi kuwapga picha hizo na zipo kwenye simu hivyo watakuwa kimya ma kujifanya kupambana kwa kuhofu kutokuwa salama.
Wanaume nao wamekuwa MAPUNGUANI hawaambiliki hadi watapokutana tupu za mama zao (Ashakum si matusi) akili zitawakaa sawa.

Wanajeshi watekwa vita hakuna tena.

ANAANDIKA MELISSA



Nilimfahamu kupitia rafiki yangu, hakuonekana kujali wala kuwa na muda na wanawake kwani hata huyo rafiki yangu alikuwa akiniambia hivyo.lionekana mwenye haraka sana na kila anachokifanya na hupenda sana kujali muda, si kwa kuiangalia saa kila dakika bali nadhani alikuwa na saa yake kichwani iliyowekwa 'alam' kwani hata kama mtakuwa katikati yaa kushughulikia suala fulani na juda mliojipangia ukapita ule mliojipangia atasema muda umefika tupange siku nyingine.
Tabia hiyo iliwakera wengi sana hasa wanawake ambao ni mabingwa sana katika kupoteza muda kwa kujivuta, ingawa si wote ila wengi.Tofauti na wengi walivyokuwa wakiichukia tabia yake mie ilinivutia na taratibu nikajikuta nikivipenda vingi alivyokuwa akivipenda huku nikitamani kuwa kama yeye katika kujali muda.
Nilipenda muziki aliokuwa akipenda kuusikiliza , nilipenda kwenye kuangalia mpira wa wavu kwenye viwanja vya chuo jirani kwani chuoni kwetu hapakuwa na wapenzi na wachezaji wengi wa mchezo huo na walipokuwa wakicheza hawakuwavutia wengi hivyo ilikuwa ni bora kutembea mita miatano hadi chuo cha jirani pia nilipenda tabia yake ya kupenda kusoma vitabu.
Kupenda vingi alivyovipenda kulitufanya tuwe karibu na baadaye tukawa marafiki kabla ya kuja kuridhiana na kuwa wapenzi.
Mwanzo wa penzi letu lilikuwa ni penzi matata na lililompendeza kila mmoja wetu huku tukijaribu kunakili na kuendana na tabia za mwenzake.
Baadaye penzi likiwa katika kilele chake ambapo mengi ambayo kila mmoja wetu alikuwa akiyatamani katika mapenzi alikuwa ameyapata katika kiwango cha juu kabisa nikajikuta simtamani tena, sikuwa na sababau ila nikajikuta simpendi , si kwamba nilimchukia ila kama nilimchoka hivi yaani nilitamani tena tuwe tuu marafiki wa kawaida na si wapenzi tena.
Nikatamani kumuwambia tuachane, nikajikuta sina sababu ya kumwambia tuachane hakunikosea , sikumkosea labda niseme ndo nilikuwa naanza kumkosea kwa maksudi kwa kumwacha.
Nilitafuta kila sababu walau akosee kidogo tuu ili nimwambiae tuachane lakini ni kama alijua kwani alikuwa hakosei na hata nilipokuwa namkosea alikuwa akiomba msamaha na kuonesha waziwazi ile hofu ya kuogopa kunipoteza.
Hapo akaanza kutojali muda kwenye mambo yake na kuanza kunijali sana, kuna muda alikuwa tayari kunihangaikia kuliko kuwaza mambo yake na yakifamilia, nilijua si kwamba alipenda iwe hivyo bali ilimtokea tuu kama vile ilivyonitokea kuanza kutompenda.Kadri alivyokuwa akihangaika kunipenda na kunifanyia mambo mazuri ndivyo nilivyozidi kumchukia na kila alilolifanya kwangu nilikuwa nikilichukia,nilichukia nilichukia baadaye nikamchukia na huruma kwake ikapotea, nikaamua kufanya kitu ambacho kitamfanya aamini kuwa simpendi.
Ilikuwa ni wiki ya mwisho ya maandalizi ya mitihani ya mwisho ya mwaka wa masomo chuoni.
Siku mbili kabla ya kufanya mitihani, ilikuwa ni siku ya jumamosi, palikuwa na mwanamuziki ambaye alikuwa akimpenda sana akitumbuiza kwenye tamasha moja lilifanyika kwenye klabu moja maarufu ya usiku.Aliniomba twende pamoja lakini nilikataa na kumsimanga kwa maneno machafu 'eti anamshobokea mwanaume mwenzake lazima atakuwa matataizo''Alijua kama ulivyojua ni matatizo yepi niliyokuwa nayamaanisha kwa kumshobokea mwanamuziki huyo ambaye alisema alikuwa akizikubali sana kazi zake na kuhudhulia tamasha lake angekuwa ametimiza moja ya lundo ya ndoto zake.
Alionekana kuumia lakini aliomba msamaha na ruhusa kuwa angeomba aende peke yake , nilimruhusu nikiwa nimeshapata mbinu ya kumfanya niachane naye.
Nilimwacha aende peke yake, na kipindi hicho alikuwa amepunguza ukaribu na marafiki zake wa karibu katika harakati za kutaka kulijenga penzi letu ambalo nilikuwa nalibomoa kwa nguvu zote.Alipoondoka ikamfuata rafiki yake ambaye alikuwa si mpenzi wa muziki nikijifanya nataka tusome naye kwani tulikuwa kozi moja.
Rafiki yake bila kujua hila zangu alikubali tusomee kwake usiku ule na bila kujua alijikuta akifanya mapenzi na mie usiku kucha hadi panakucha.
Nilitaka atufumanie usiku ule kani nilia mini lazima angempitia rafiki yake usiku ama kwenda kulala pale kwania likuwa akikaa hostel zilizokuwa ndani ya chuo na asineweza kukuta pamefunguliwa kwa muda ambao angerudi.Tofauti na nilivyodhani hakutumania tukajua bali alirejea mapema sana kwani huko alijikuta anahisi kanikosea kwa kwenda klabu akiniacha mwenyewe hivyo alipanga aniombe msamaha kisha aende kwa rafiki yake kulala kwani nilikuwa nikikaa na rafiki yangu asingeweza kulala pale.
Alipofika kwangu alibisha hodi hadi alipochoka huku akipiga simu yangu bila kupokelewa, akaondoka na kwenda kwa rafiki yake ambaye nilikuwa nimelala naye , aliingia hadi pale chumbani na kutuona tukila raha, alituchungulia kwani maksudi niliacha malango wazi bila kuufunga hivyo aliingia moja kwa moja.Kwa kuwa tulikuwa katikati ya raha hakuna aiyemuona , aliondoka na kwenda kwa rafiki yake mwingine alipolala hadi asubuhi.
Mchana wa siku ile aliniuliza kwa mitego juu ya kilichotokea jana yake nilimjibu kwa jeuri sana kumuumiza ili aniache ila hakufanya hivyo ingawa aliumia.
Tukafanya mitihani na matokeo yake yalikuwa mabaya sana, kwa kifupi Ali 'disco'.Lakini leo hii ni Injinia aliye na mafanikio makubwa sana ana familia yake yenye furaha sana.
Mimi ni mke na mama wa watoto watatu familia yetu ipo vyema pia lakini tukio lile linaniumiza kila siku na kunipa amani.

Nimekuandikia Moringe najua utaandika kisa kimoja kizuri sana na kuwa funzo kwa wengine....
NIMESHINDWA KUANDIKA KISA KIZURI KWANI MANENO YAKE TUU NI KISA CHENYE MAFUNZO...
Niambie ulichojifunza kwenye kisa cha Melisssa.
NB;Melisa si jina lake halisi.