CHADEMA NA CCM TAFADHARI MSUBIRI KUWAPONGEZA WASHINDI

Na.Mwanakalamu.

Ni vigumu sana kalamu yangu kuandika mambo yahusuyo siasa,si kwa kuwa hazina umuhimu bali nimejikuta napenda sana kutumia kalamu yangu kuandika kuhusu fasihi ambayo inajitosheleza.Siasa ni maisha , siasa ni haki,siasa ni imani, siasa ni uhai kwa kifupi siasa ni kila kitu hivyo ina umuhimu mkubwa.

Read More

NDIYO ALIKUWA MWIZI NA MSHENZI SANA

‘’Alikuwa mwizi sana shuleni na mtaani’’
‘’Yule alikuwa mzinzi sana’’
Ndiyo tusemavyo na kuwadharau watu wenye historia hizo zisizovutia, huku tukijisifia kuwa tulikuwa watu waliokuwa na mienendo sahihi.

Read More

JESHI LIMESHATEKWA,VITA HAKUNA TENA

Na.Mwanakalamu.

Wiki chache zilizopita ilisambaa video mitandaoni ikionesha tendo la aibu ikimwonesha mtoto mmoja ambaye alikuwa akifanyiwa ama tusema akifanya ngono.Ilikuwa ni video ambayo kama tusingekuwa na unafiki ingepotea na kufutika kabla haijafika mbali.Ingekuwa kipindi cha mtoto wa mwenzio ni wako video ile isingepata nguvu hata leo mie kuiongelea.Sikujisumbua kuisaka ile video ya aibu kwani najihisi bado nipo katika zama za mtoto wa mwenzio ni wako, zama ambazo wengi wetu tulizitupa mara tuu tulipopata simu za kupangusa, simu janja zitufanyazo tuwe karibu zaidi na dunia ya kwanza.

Ilisemwa na kujadiliwa kwenye mitandao ya kijamii wengi wakimhusisha binti aliyekuwa akioneakana kwenye video ile na binti wa mwigizaji mmoja maarufu nchini hivyo kuzua mabishano ya kinafiki wengi wakibisha kutaka kuthibitisha na si kule kubisha kuwa 'siye' wakimaanisha.

Nikiwa mmoja wa wafuatiliaji wa 'forum' maarufu nchini niliufuatilia mjadala ule ambao ulikuwa wa ''Mwenye hiyo video anitumie'' na si kutatua shida ile iliyoikumba familia ile , sijui kwa kusingiziwa ama ukweli.Kuna wachangiaji walioenda mbali wakidai malezi ya yule mtoto anayefananishwa naye yamesababisha ahusishwe kwenye kashfa hiyo nzito, hao waliwalaumu wazazi wake kuwa chanzo cha yote.

Wengine walidai ilikuwa ni video ya muda zaidi na ilishasambaa kabla ya hapo , lakini kuna wengine huko instagram waliwataka watu kuwatumia shilingi 1500/= ili watumiwe hiyo video.

Nilijikuta nazidi kuelewa tulipofika,nikaelewa tulivyo tu wema na wastaarabu mbele ya watujuao lakini kinyume cha hapo tunaonesha maana halisi ya tabia zetu.

Mtu anafurahia kuisambaza hata kwa kuiuza video chafu ya binti wa watu ambaye hata iwe kwa hiari yake ama kwa lazima hakuna uhalali wa kusabazwa bicha hiyo kwa maadili natamaduni zetu zitakavyo.Lakini kuna mtu kwa kutumia utambulisho feki kwamba hatofahamika pia yupo radhi kutoa pesa kupata video chafu.

Je, angekutana na picha ya dada yake, mama yake ujanani,bintiye ama hata mke wake utotoni atafanya nini?

Lakini kwa kuwa na hakika huyo ni mama wa mwingine baadaye, mke wa mwingine baadaye ama dada na binti wa mwingine, atatigwa kuipakua na kuisambaza kwa nguvu zote.

Ile vita inayotangazwa juu ya mazoea mabovu kama hayo ya kusambaza picha chafu ni ya kwenye vitabu na nakala za serikali tuu na si serikali.Serikali iundwayo na watu , watu wenye mawazo machafu kama hayo yasiyo na soni nyuma ya kamera ama macho ya wengine haipo tena, atapigana nani wakati wanajeshi wake ambao ni watu hawapambani nayo bali wameshakuwa mateka na watumwa wakubwa wafurahiao utumwa wao?

Leo kila mmoja anaamua namna ya kumlea mwanaye akiaswa anadai ni wake msimwingilie, leo kuna majasiri wa kumbaka kwa lazima ama ushawishi na kumrekodi ama kumpiga picha na kuzisambaza mitandaoni na kupata umaarufu kwa kuisambaza picha hizo zikafika mbali na kuharibu ule ubinadamu tuliokuwa nao mwanzo.

Leo vyombo vya habari vimekuwa chanzo cha kuyapeleka mbali mambo hayo na leo nimeshtuka kituo kile kile kimelizua lingine kumuhusu mwigizaji.Watashangiliwa kwa sababu hakuna anayepambana wanajeshi wamekuwa mateka , hakuna vita tena.

Sijui hao watangazaji ama wasambazaji wa hizo video wakikutana na picha za mama zao, wake zao ama wadogo na dada zao watafanya nini, bahati mbaya ni wanawake wachache sana ambao wanapambana ingawa ni waathirika wakubwa wa jambo hilo.

Wamekuwa waoga kwani hawaamini kuwa wapenzi wao hawajawahi kuwapga picha hizo na zipo kwenye simu hivyo watakuwa kimya ma kujifanya kupambana kwa kuhofu kutokuwa salama.

Wanaume nao wamekuwa MAPUNGUANI hawaambiliki hadi watapokutana tupu za mama zao (Ashakum si matusi) akili zitawakaa sawa.

Wanajeshi watekwa vita hakuna tena.

JESHI LIMESHATEKWA,VITA HAKUNA TENA

Na.Mwanakalamu.

Wiki chache zilizopita ilisambaa video mitandaoni ikionesha tendo la aibu ikimwonesha mtoto mmoja ambaye alikuwa akifanyiwa ama tusema akifanya ngono.Ilikuwa ni video ambayo kama tusingekuwa na unafiki ingepotea na kufutika kabla haijafika mbali.Ingekuwa kipindi cha mtoto wa mwenzio ni wako video ile isingepata nguvu hata leo mie kuiongelea.Sikujisumbua kuisaka ile video ya aibu kwani najihisi bado nipo katika zama za mtoto wa mwenzio ni wako, zama ambazo wengi wetu tulizitupa mara tuu tulipopata simu za kupangusa, simu janja zitufanyazo tuwe karibu zaidi na dunia ya kwanza.

Ilisemwa na kujadiliwa kwenye mitandao ya kijamii wengi wakimhusisha binti aliyekuwa akioneakana kwenye video ile na binti wa mwigizaji mmoja maarufu nchini hivyo kuzua mabishano ya kinafiki wengi wakibisha kutaka kuthibitisha na si kule kubisha kuwa 'siye' wakimaanisha.

Nikiwa mmoja wa wafuatiliaji wa 'forum' maarufu nchini niliufuatilia mjadala ule ambao ulikuwa wa ''Mwenye hiyo video anitumie'' na si kutatua shida ile iliyoikumba familia ile , sijui kwa kusingiziwa ama ukweli.Kuna wachangiaji walioenda mbali wakidai malezi ya yule mtoto anayefananishwa naye yamesababisha ahusishwe kwenye kashfa hiyo nzito, hao waliwalaumu wazazi wake kuwa chanzo cha yote.

Wengine walidai ilikuwa ni video ya muda zaidi na ilishasambaa kabla ya hapo , lakini kuna wengine huko instagram waliwataka watu kuwatumia shilingi 1500/= ili watumiwe hiyo video.

Nilijikuta nazidi kuelewa tulipofika,nikaelewa tulivyo tu wema na wastaarabu mbele ya watujuao lakini kinyume cha hapo tunaonesha maana halisi ya tabia zetu.

Mtu anafurahia kuisambaza hata kwa kuiuza video chafu ya binti wa watu ambaye hata iwe kwa hiari yake ama kwa lazima hakuna uhalali wa kusabazwa bicha hiyo kwa maadili natamaduni zetu zitakavyo.Lakini kuna mtu kwa kutumia utambulisho feki kwamba hatofahamika pia yupo radhi kutoa pesa kupata video chafu.

Je, angekutana na picha ya dada yake, mama yake ujanani,bintiye ama hata mke wake utotoni atafanya nini?

Lakini kwa kuwa na hakika huyo ni mama wa mwingine baadaye, mke wa mwingine baadaye ama dada na binti wa mwingine, atatigwa kuipakua na kuisambaza kwa nguvu zote.

Ile vita inayotangazwa juu ya mazoea mabovu kama hayo ya kusambaza picha chafu ni ya kwenye vitabu na nakala za serikali tuu na si serikali.Serikali iundwayo na watu , watu wenye mawazo machafu kama hayo yasiyo na soni nyuma ya kamera ama macho ya wengine haipo tena, atapigana nani wakati wanajeshi wake ambao ni watu hawapambani nayo bali wameshakuwa mateka na watumwa wakubwa wafurahiao utumwa wao?

Leo kila mmoja anaamua namna ya kumlea mwanaye akiaswa anadai ni wake msimwingilie, leo kuna majasiri wa kumbaka kwa lazima ama ushawishi na kumrekodi ama kumpiga picha na kuzisambaza mitandaoni na kupata umaarufu kwa kuisambaza picha hizo zikafika mbali na kuharibu ule ubinadamu tuliokuwa nao mwanzo.

Leo vyombo vya habari vimekuwa chanzo cha kuyapeleka mbali mambo hayo na leo nimeshtuka kituo kile kile kimelizua lingine kumuhusu mwigizaji.Watashangiliwa kwa sababu hakuna anayepambana wanajeshi wamekuwa mateka , hakuna vita tena.

Sijui hao watangazaji ama wasambazaji wa hizo video wakikutana na picha za mama zao, wake zao ama wadogo na dada zao watafanya nini, bahati mbaya ni wanawake wachache sana ambao wanapambana ingawa ni waathirika wakubwa wa jambo hilo.

Wamekuwa waoga kwani hawaamini kuwa wapenzi wao hawajawahi kuwapga picha hizo na zipo kwenye simu hivyo watakuwa kimya ma kujifanya kupambana kwa kuhofu kutokuwa salama.

Wanaume nao wamekuwa MAPUNGUANI hawaambiliki hadi watapokutana tupu za mama zao (Ashakum si matusi) akili zitawakaa sawa.

Wanajeshi watekwa vita hakuna tena.

Read More

HAWAHITAJI MANENO MAGUMU KURIDHIKA

Na.Moringe Jonasy
Wengi husema mwalimu wao kipofu, ndo maana haweshi kulia lia kwa matokeo ya ''ujinga'' walioufanya.Kwangu nawaona mashujaa kuliko mashujaa wote waliowahi kutokea duniani.
Hushawishika kwa maneno machache na mepesi.
Hutubeba karibu mwaka mzima.(miesi tisa)

Read More

KWA WATUMIAJI WA 'SMARTPHONES'

Wengi hua tunasikia 2G, 3G H, H+ au E nk je maana yake ni nini?

Kwa kifupi ni kasi zinazotumika kusafirisha data kwenye internet ambapo zinatofautiana uwezo kutokana na teknolojia:

1. Herufi G huwakilisha GPRS (General Packet Radio Service) na ndio ndiyo toleo la kwanza la teknolojia ya simu. 

Hua inamaanisha kasi  ya internet yako ni ndogo sana (86kbps)

2. Herufi E huwakilisha EDGE (Enhanced Data Rates for GSM evolution) hua inamaanisha kasi ya internet yako ni ndogo ila ina afadhali kidogo kuliko G👆🏼(236kbps)

3. 2G (Toleo la pili)

Ni generation ya pili ya mobile phone technology ambayo nayo inatumia GPRS system lakini speed yake ni kubwa kidogo G, (154kbps) ila ni ndogo kuliko E yaani ipo katikati ya G na E.

4. 3G (Third Generation of mobile technology)

Inatumia UMTS & imejikiita kwenye  mfumo wa GSM, na ina kasi kubwa kuliko hizo 👆🏼(kasi yake 386kbps)

5. Herufi H huwakilisha HSPA (High Speed Packet Access)

Ni muendelezo baada ya 3G ambayo ina kasi kubwa (kama 3.2 Mbps)

6.H+ stands for enhanced HSPA, Yaani hii ina speed kubwa zaidi ya H kama nilivyoielezea👆🏼inauwezo wa kasi ya 7.2 Mbps, ndio inayotumika kwenye simu nyingi siku hizi.

7. 4G (Fourth Generation of Mobile phone Technology) pia inajulikana kwa jina la LTE (Long Term Evolution).

Toleo hii ndio jipya kwa sasa ambayo inatumia H+👆🏼na inakuwa na speed kubwa zaidi (kama 14.4mbps to 21mbps)

8. WCDMA huwakilisha Wide-band Code-division Multiple Access.

Inatumia teknolojia ya 3G ila imeongezewa GSM ambayo inaiongezea kasi ya kusafirisha data na ndio maana simu nyingi zimeitumia kabla ya kuja kwa 4G.

JAMBO LA KUZINGATIA;

Mbps: maana yake ni Mega bits per second yani kiasi cha data kinachoweza kusafirishwa kwa sekunde kwenye internet.

Kbps: maana yake ni kilobits per second, hii ni ndogo kuliko mbps👆🏼

1 kbps = 0.001mbps

Read More

BAADHI YA MANENO YANAYOTUMIWA NA WATU KIMAKOSA

1. Kioo cha pembeni au mbavuni mwa gari huitwa SIDE MIRROR  na sio SIGHT/SITE MIRROR 

2. Kifaa cha umeme chenye waya mrefu wa kutokea ukutani chenye matundu kwa  ya vifaa vya umeme  kuwekwa huitwa EXTENSION  na sio CABLE 

3. Tundu la simu linalotumika kupitisha mkondo wa umeme kwenda kwenye betri huitwa CHARGING SYSTEM na sio SYSTEM CHARGE

4. Ukimpigia mtu simu then  ukakata kwa lengo kwamba  akupigie hapo umem-BEEP na sio umem-DIP au ume-DEEP

5. Simu za kisasa zitumiazo mfumo wa kugusa kwenye kizinza (screen) huitwa TOUCHSCREEN au 'Touch' kwa  kifupi na sio SCREEN TOUCH

Ongeza na wewe mengine unayohisi jamii inayatumia kimakosa tuwekane sawa.

Read More

MAMBO MATANO YA KUFANYA UNAPOKUTANA NA MPENZI WAKO WA ZAMANI (EX)

Na.Tumsifu Kaoza

1.KUWA MUWAZI. 

Kama upo tayari kuongea na ex wako mkikutana, akuulizapo swali lolote mjibu inavyotakiwa kwa majibu mafupi yasiyo ya kubabaisha yenye ukweli mtupu. Kama ni ndiyo 'ndiyo' na kama ni hapana 'hapana' itakufanya kujenga utu wako na kukupa kujiamini.

2.USIJITONGOZESHE. 

Kama umeshaachana na mpenzi wako mpya kwa sababu ya huyo mpenzi wako wa zamani usifanye mambo ya kujitongozesha kama vile kukaa naye karibu kumchekea chekea au kumtega kwa namna yeyote ile kama ikitokea bado unampenda muache yeye akuanze na umsumbue katika kumjibu kwa sababu kama mlishaachana huna hakika lile kosa halitajirudia mkirudiana.

3.KUWA NA MAWAZO CHANYA. 

Wengi wanapokuwa pamoja na wapenzi wao waliopita hufikiria negative hujiuliza anawaza nini? Ananiona mbaya? Vipi kama anakuja kunionesha mpenzi wake mpya? Haya ni maswali machache yanayowapitia wengi vichwani mwao. Lakini kama ukiwa na mawazo chanaya unaweza kujiamini na uwezo hata wa kumface huyo mpenzi wako aliyepita kwa hiyo uwapo na ex wako fikiria mawazo chanya.

.RELAX. 

Muda mwingi watu mnapokutana na wapenzi wenu waliopita huwa mnapanic kitu ambacho unatakiwa kufanya ni kutulia na kuvuta hewa nyingi ndani na kutoa nje hii hujenga kujiamini na kuondoa hofu iliyojengeka usoni mwako.

5.USIONESHE KUKOSA FURAHA KATIKA PENZI LAKO LA SASA. 

Usimpe nafasi x wako kujiona yeye ni muhimu sana katika maisha yako yaani ajione yeye alikuwa ni furaha yako ya pekee hata kama huyu wa sasa hana tofauti na yeye lakini jitahidi kujiweka sawa na kumuonehsa kuwa hakuna tatizo huyu wa zamani ili kujenga kujiamini kwako kila mnapozungumzia habari za mahusiano.

Heri ya Mwaka Mpya.

Read More

BRAVO VANESSA MDEE ILA HAPA UMEZINGUA

Na.Moringe Jonasy

Kila mwanamziki kutoka nje ya Tanzania iwe nchi ya Afrika ama nje ya Afrika ukimuuliza kuwa angependa kuimba ama anamfuatilia mwanamuziki yupi wa kike basi atakuambia Vanessa Mdee na kwa wanaume atakuambia Diamond Platnumz.Si P square,Waje,Ne-yo, Kimani(Victoria) ,Yemi Alade , 2 face na wengine wengi wimbo ni huo huo Vanessa na Diamond japokuwa wengine pia hutajwa ila hawa ni kama vilele vya mlima wa Tanzania.

Hawa wote wamepita njia tofauti za muziki  wakati Diamond akitumia muda mrefu ''Kutoboa'' tena kwa kutumia njia ya kushirikiana na mwanamuziki mkubwa kwa upande wake Vanessa alianza kuuwa mkubwa Afrika kabla hata hajafanya wimbo na mwanamuziki mkubwa wa nje na hata alipokuja kufanya alichokifanya ni kuongeza tuu ukubwa wa jina lake.

Vanessa Mdee ambaye amekuwa mfano wa kuingwa na wanamuziki wengi chipukizi anastahili pongezi kwa mafanikio yake yeye pamoja na walio nyuma ya juhudi zake kwani kwa binti kama yeye kufika alipo kuna vikwazo vingi njiani.

Hapa napenda nitumie neno ''Bravo'' kukupongeza.

Lakini licha ya pongezi nilizotoa ambazo najua wengi ama wamezitoa kabla yangu ama watakuja kuzitoa baadaye nitakuambia ulipozingua kama pale kilele kingine cha muziki hapa nchini ambaye naweza kusema ni pacha wako Diamond Platnumz alikosea.Najua alijua kuwa alikosea ndiyo maana sioni tena akikosea kama alivyokosea kwenye video ya wimbo wa Nasema nawe ambao ni aibu kuitazama ukiwa na watu unaowaheshimu.

Licha ya wengi kuutetea kuwa ni utamaduni wa watu wa Mwambao wa nchi ( Siyo utamaduni wa nchi nzima) bado video ile ambayo ilipata umaarufu mkubwa si Afrika tuu hata nje ya Afrika inabaki kuwa video Mbaya isiyo namaadili kati ya video zake zote.

Kwako video ya wimbo mzuri wa 'Never Ever' watu wa mtaani wanaweza kusema ''Umezingua'' kwani umeonekana si tuu kushindwa kufuata maadili yetu bali hata ya wenzetu umepitiliza.

Kugauni kilicholowa ukichezesha mwili , Loh! utamaduni wa wapi huo, ama ndo kimataifa?

Kwa nini usifanye kama ''No body but me''?

Kweli ''umezingua'' ila bado una nafasi ya kubadilika katika video nyingine huku lawama hizi za ''kuzingua'' kwako ziwafikia na walio nyuma ya ''kuzingua'' kwako kama walivyoipokea ''Bravo'' yangu na ya wapenda muziki mzuri wenzangu.

Naomba kuwasilisha.

#niambiemtazamowako.

Read More

ROSE MUHANDO NI UTELEZI TUU HUO INUKA UENDELEE NA SAFARI

Na. Moringe Jonasy Mhagama

 

Haleluya naitazamia mbingu mpya na nchi mpya
Huko nitapumzika milele

Taabu zangu zikiisha, nitamwona Bwana wangu
Akinikaribisha kule, karibu upumzike
Hapa ndipo nyumbani kwako, hapa ndipo mahali pako
Hapa ndipo makao yako, karibu upumzike

Haleluya nitaketi kwa furaha, nitapumzika kwa mungu, nitapumzika

Nitavikwa mavazi meupe, nitavikwa taji ya ushindi

 Taabu zote na mateso yote, hakika vitakoma
Nitaungana na malaika, maserafi na makerubi
Tukiimba nyimbo za ushindi, haleluya usifiwe

Naona mbingu zimefunguka, na Yesu yu mkono wa kuume
Akinitazama kwa upole, kwa macho yenye huruma

Tatazama vidonda vyangu, tatazama makovu yangu
Niloumizwa duniani, na watu wa ulimwengu

Tachukua kitambaa, atanifuta machozi
Akisema pole mwanangu, Yesu tanikumbatia

Bado kitambo kidogo, nitapumzika

Yesu atanipeleka, kwenye kijito cha uhai
Huko taniosha mwili wangu, nitapewa mwili mpya
Nami nitaimba hosana, hosana ndiye mbarikiwa
Nitaruka kama ndama, milele hata milele

Tavumilia, kwa ajili yako Baba

Yatosha walivyokuonea, Yatosha walivyokudhulumu
Yatosha walivyokupiga, karibu upumzike

Yatosha walivyokuudhi, Yatosha walivyokutukana
Yatosha walivyokuzomea, karibu upumzike

Haleluya, mateso yangu yakiisha nitauona uso wa Mungu
Nitamwona Yesu niliyepigwa kwa ajili yake

Yatosha walivyokuonea, Yatosha walivyokudhulumu
Yatosha walivyokupiga, karibu upumzike

Yatosha walivyokuudhi, Yatosha walivyokutukana
Yatosha walivyokuzomea, karibu upumzike

Yesu atanipeleka, kwenye kijito cha uhai
Huko taniosha mwili wangu, nitapewa mwili mpya

Baada ya taabu, ni furaha........

Sauti ya mwadada Rose Muhando kwenye wimbo wa Tabu zangu alioshirikiana na Anastazia Mukabwa  iliniamsha kutoka usingizini na kunifanya nigande kimawazo.Japokuwa ilikuwa ni sauti ambayo niliyokuwa nikiisikia kila saa kumi na mbili na nusu ili niamke na kumshukuru na kumwomba Mungu kabla ya kuamka na kuendelea na ratiba nyingine leo hii nilikuwa nimeenda mbali sana kimawazo.
Niliguswa sana na huu wimbo na kujikuta nikishindwa kufikiri kitu kingine zaidi ya maneno niliyokuwa nikiyasikia kutoka kwenye spika za simu yangu yalikuwa ni maneno yaliyonigusa sana.
Taratibu nikaamka na kuanza kumjadili kichwani mwanamama Rose Muhando nikakumbuka niliyokuwa nikiyasoma mitandaoni na kwenye magazeti wanayoyaita ya udaku mie nimezoea kuyaita ya Rangirangi kuwa 'ROSE MUHANDO AFIKIRIA KURUDI KWENYE UISLAMU' hapo nikapata mashaka na hofu kubwa iliyoniletea maswali mengi kichwani.
Ina maana sitosikia wimbo mwingine wa Rose Muhando​?
Kwa hiyo kilichomleta kanisani kilikuwa si cha kweli?
Nani kamfanya Arudi huko?
Nini kosa lake?
Hapo sikupata majibu zaidi ya kuzidi kujiuliza maswali mengi sana juu ya matokeo ya Rose kurudi kwenye imani yake ambayo ndiyo iliyomkuza na mapito tuu ya dunia yalimfanya aende kanisani.
Ni kweli amekuwa akishutumiwa kwa mambo mengi ambayo  huenda mengi hayakuwa hata na chembe ya ukweli kama vile Kutoa mimba,Kutumia madawa ya Kulevya , kuwatapeli mapromota na wakati mwinginehata namna ya uchezaji wake kwenye nyimbo zake ulikosolewa si tuu na wapenzi wa muziki wake bali hata wachungaji ambao kwa mujibu wa madai ya waandishi waliotoa taarifa za Rose kutaka kurejea Dini yake ya zamani wamedai kuwa ndicho haswa kilinachomwondoa kanisani.
Lakini, pia kitendo cha kuusifia utumbuizaji wa mwanamuziki H baba kuwa kama dhambi kwake kwa mujibu wa maneno ya watu.
Ni kweli huenda sababu hizo na nyingine zisizoandikwa ndizo zimtoazo kanisani lakini naomba nikuambie dada Rose kuwa haya yote yanayokuandama ni kama utelezi tuu unaotaka kukuangusha  Inuka simama na usonge Mbele hata kama utarejea kwenye Imani yako ya awali zingatia na ummtegemee muumba mweza wa yote kama ulivyokuwa ukituimbia na atakusimamia.
Kuhama hakutakupunguzia kusemwa zaidi ya uhuru wa nafsi ambao unaamini utaupata huko hivyo ukifika huko usije kukwaza na mambo yatakayozungumzwa juu yako na kufikiria kurejea kanisani kisha tena kutoka na mwisho wa kutangatanga kwako kutakutoa kwenye imani zote na kubaki njia panda kama kifaranga kilichompoteza mama yake.
Nakumbuka ulipoingia mkataba na SONY ulituambia utaimba zaidi hivyo kama utahamia msikitini IMBA ZAIDI kwani umepewa kipaji cha kumsifu na kumwomba Mungu kwa njia ya nyimbo.
Sina Mengi zaidi ya niliyokuambia hapo juu Huo ni utelezi endelea na Safari.
Niambie Chochote #mwanakalamumwenzangu

Read More

NANI KAMA MAMA

Jioni tulivu baada ya mihangaiko ya siku nzima nimeamua kupitia mtandaoni na usoma vitu mbalimbali lakini kila nikisoma kitu naona hakipandi.
Sipo vizuri.
Kwa nini ? Sijui.
Akili imechoka na inatatizwa na jambo fulani ambalo awali sikulielewa mwanzoni.Naamua kuangalia nyimbo mbalimbali lakini nazo naona kama zinaniongezea mawazo tuu mapenzi yanasifiwa na kulalamikiwa ,shida zinaliza watu na lawama zinawapata wanaostahili na wasiostahili.
''Mhh huuu muziki''Naguna nikipasua chunusi iliyoiva kwenye mgongo wa pua yangu na kunisababisha nisikie raha na maumivu kwa wakati mmoja.
Naamua kuzima kompyuta yangu na kutaka kuingia mtaani ili nikasafishe macho na kuendeleea kushuhudia Raha na karaha za ulimwengu lakini nasita.
Kuna kilichonisitisha na kunivuta.
Wimbo wa nani kama mama, huu wimbo unanifanya niusikilize na kumtazama mwimbaji amabye yupo jukaani akiimba kwa hisia.Namkumbuka mama yangu ambaye miezi zaidi ya kumi imepita tangu nimwone si kama amekufa , bali yupo mbali nami.
''Wamama wote waishi miaka mingi''Bella anasisistiza maneno hayo yenye kiswahili chake cha kikongo kwa hisia sana na kunifanya nianze kutafakari.
Nakumbuka kuwa Bella yupo kwenye lile kundi la wengi ambao wamempoteza mtu huyo muhimu lakini anawaombea mama wa wengine ''nikiwemo' waishi miaka mingi.
Hapo najikuta nikiwaza kitu kingine 'Maumivu ya kumpoteza mama' kweli inauma na inauma haswaa naogopa...
Naogopa kumzika mama , kama wengine walivyofanya kwa uchungu mkubwa ambao kwangu nahisi kuwa siwezi kuuvumilia.
Wapo watu wengi wadogo zaidi yangu waliowazika wazazi wao wakati mwingine walizikiwa kwa kuwa walikuwa na umri mgumu hata kujua majina yao, mama waliopoteza maisha kutetea uhai wao, hao wanaumiaje?
Sijui na naogopa kufikiri hilo.
Naamua na kuomba kuwa basi mama anizike , hapo napo naogopa baada ya kufikiria kuhusu maumivu na machungu atakayoyapata mama yangu kunizika.
Ataumia sana...
Kwei ataumia zaidi ya ninavyofikiri .
Sasa kipi bora?
Sijui anajua yeye(Mungu) apangaye nani amzike nani, lakini mie siwezi kujua.
Mama aliyepoteza muda na akili yake kwa ajili ya raha yangu, yule anayemzungumzia Bellla kuwa hakuweza kulala kama yeye (Bella) alikuwa macho.Mama aliyeshika kinyesi na matapishi yangu bila kusita mama aliyejivunia mimi bila kujali ulemavu ama kasoro zangu, mama aliyeumwa nilipoumwa.
Mungu uumpe maisha marefu sana, naogopa kumzika naogopa kweli.
Machozi yananitoka na kunifanya nishindwe kufanya kingine zaidi ya kujiuliza kama kizazi niishicho kitatoa mama wa kuliliwa na kuombewa maisha marefu?
Niandikie ‪#‎mwanakalamu‬ kama u sehemu ya kutengeneza mama bora na yule mama mtarajiwa aniandikie kuwa ‪#‎yeyenimamabora‬
Moringe Jonasy july 20, 2015

Read More

BARUA KWA DADA

KALAMU YANGU
S.L.P 2
JIPULIMEPASUKA
Mpedwa dada salam.
Hali yetu hapa nyumbani ni nzuri isipokuwa mama bado hana raha kwa sababu ya majibu ya barua niliyokutumia.
Matilaba ya barua yangu ni kutaka kukueleza kisa ambacho nahisi ukikikumbuka utajua kwa nini siachi kukusisitiza juu ya jambo nililokuambia juzi kwenye barua.
Kabla sijakusimulia hiki kisa ngoja nikupongeze kwa kuwa ' sharp' kujibu barua yangu kwani nilidhani isingekufikia,ama ungeipuuza kutokana na kuwa bize na kazi zako na pengine sijui MISTAGRAM nasikia unapiga tuu mapicha mara upo Iran ,Kenya hata Jamaica lakini umejibu haraka dada ,asante sana kwa kutujali.Asante pia kwa zawadi ya viatu uliyotutumia ila Merina havijamtosha nitavaa mimi dada.
Baada ya shukrani zangu naomba nikukumbushe kile kisa alichotusimulia mwalimu wa stadi za kazi siku ile alipopewa nafasi ya kumtunuku mshindi wa mtihani wa Ujirani mwema.
Alianza hivi;-
Hapo kale palitokea mwana mmoja ambaye alikuwa akijisifu kwa kuwa tajiri, daima alikuwa akijisifia kwa kuvaa vito vya thamani ikiwemo saa yake iliyokuwa imeundwa kwa dhahabu tupu.Si wakati wa masomo,ibada hata michezo lazima aonese saa yake ilivyomelemeta kito hicho cha thamani ilifika wakati hata wenzake walitamani wamuibie ile saa sema wangeificha wapi ile saa wakati alikuwa nayo peke yake?.
Basi baada ya siku za majigambo na manyanyaso ya huyo mwana juu ya dhahabu yake akaja mwana wa mjane mmoja ambaye licha ya kutokuwa tajiri alijaliwa kuwa na hekima ambazo zikamfanya apendwe na watu wengi sana , watembezi na wafalme wengi walitokea kumpenda yule mwana wake wa kiume ambaye waliamua kumtuza vito vingi ukiwemo mkufu na saa ya dhahabu.Yule mwana ni kama alirithi hekima za mama yake hakuwa mtu wa kujivuna na hata saa yake hakuwa akiivaa kila mara zaidi ya mkufu wake ambao daima ulikuwa shingoni lakini haukuonekana kuwani daima ulifichwa na shati lake.
Mwana huo naye alitokea kupendwa sana na watoto wenzake hata watu wazima wakiwemo walimu lakini kwa upande wa yule mwana majivuni alianza kumchukia yule mwana mpole na kuanza kumuonea.
Siku moja mwana majivuni alianza kujisifu darasani kuwa pesa ndo iila kitu hekima ni kwa ajili ya masikini na akawanunulia maandazi wanafunzi wakorofi na wakaanza kumpiga yule mwana mpole ambaye alijitahidi kujinasua kutoka kwao lakini walifanikiwa kung'oa vifungo vya shati lake na kuufanya mkufu wake wa dhahabu kuonekana.
''Ha mwana mfalme!" wanafunzi wote wakaguna baada ya kuiona dhahabu kwenye shingo ya yule mwana mpole na hapo hapo heshima ikaanza kwake.
Baadaye darasa liligawika kwenye makundi mawili ambapo wapo waliokuwa wakidai kuwa mwenye saa ndiye tajiri lakini wengine wakadai mkufu ni wa wasichana baadaye yule kijana mpole akaonekana kuwa na vyote saa na mkufu.
Hapo ndipo ubishi ukakua hadi kwa walimu , kwani yule mwana majivuno alimtuhumu mwenzake kumiliki dhahabu isiyo halisi jambo alilolipinga kwa nguvu zote.
Hatimaye walimu walikubaliana kumtafuta mwosha vito ili aoshe vito vyao na kujua ipi haikuwa dhahabu halisi, wakakubaliana japokuwa yule mwana mpole hakukubaliana na jambo hilo kwani aliona kama ni kuweka utajiri wao mbele ya hoe hae ni kama dharau kwao.
Siku moja kabla ya tukio la kuosha vito vyao mwana majivuno alifunga safari hadi kwa mwosha vito na kumkatia fungu la fedha ili akatoe majibu kinyume na ukweli jambo ambalo mwosha vito kwa kupenda pesa alikubaliana nalo na kuongeza shangwe kwa mwana majivuno.
Wakati wa kuosha vito ukafika na mwosha vito akatangaza kuwa vito vya mwana mpole vilikuwa halisi na yule mwana majivuno havikuwa halisi.
Mwalimu alirudia kutangaza majibu ya mwosha vito na kumalizia kwa kauli moja KIZURI KIKIKOSEKANA BASI KIBAYA NACHO KITAONEKANA KIZURI.
Unaikumbuka hii kauli ya mwalimu dada'ngu? Basi na mimi nakuambia KIZURI KIKIKOSEKANA BASI HATA KIBAYA KITAONEKANA KIZURI.
Wasalamu.
Mdogo wako Heri.

Read More

SISEMI NIKAKUTISHA

Na.Moringe Jonasy
Nipo katikati ya shamba la mahindi nje tu na ninapoishi nanyosha nyosha viungo vyangu maana najihisi nina maumivu makali ya viungo.
Nasogea taratibu kuufuata Mwembe ambao upo katikati ya shamba ,lakini kabla sijaufikia mwembe huo ambao umebakiza maembe machache mabichi baada ya kukuru kakara za watoto wa mtaa wetu namwona mdudu mmoja akiwa amejificha katikati ya mahindi yaliyoangushwa na mchwa.Mdudu huyu sijawahi kumwona sehemu nyingine zaidi ya hapa Moshi ni kama nungunungu ila yeye ni mdogo sana wanamwita sijui Kirikuu sijui nini kwa kweli amejificha kweli kweli lakini namsumbua kwa kuyapiga majani ambayo yeye kachificha chini yake lakini anahangaika kujificha zaidi, namwacha na nazama kwenye lindi la mawazo.
Nikiwa nimeduwaa nashangaa mwili wangu unawasha kumbe unga wa mahindi maarufu kama poleni umetua mgongoni mwangu hapo napo nikapata wazo fulani ambalo linakatishwa ninapotazama mbele kidogo ya mwembe ambapo kuna makaburi kama matatu hivi.
Nikawaza maisha ya yule Kirikuu namna ya anavyoishi kwa shida maana anaweza kukutana na mtu mwingine akaanza kumpiga mateke na hata kumuua.
Mahindi nayo yanaonewa na mchwa lakini hata kufikia umri wakati wa kuliwa.
Nayafikiria mahindi na mimea mingine ikuzwayo ardhini lakini huishia kuwa vyakula vya viumbe wengine lakini nikifikiria juu ya uhai wa binadamu najikuta naiona ardhi hii hii ikuzayo mimea ndiyo huwala watu kwa kuwatunza kaburini.
Hapo wazo la kuwa nami nitaingia kaburini ama kutoingia humo ila uhai wangu huu najikuta nasisimkwa mwili kwa uoga.
Nami nitaachwa peke yangu kisha kuwa udogo?
Kama siamini si kama si kweli bali uoga unanifanya nisiamini.
Uoga huo huongezeka pale ninapogundua kuwa hata waliolala chini ya matuta hayo hawakujua siku ambayo walijikuta mle.
Tunatembea na kufanya mengi duniani bila kujua lini tutakuwa maiti.Siokushauri uogope kufa maana hukuogopa zaidi ulishukuru kuzaliwa bali nataka kukukumbusha wakati wowote kuanzia sasa utakuwa mfu.
Je, unakubaliana na madai kuwa kuna maisha baada ya kifo?
Kama unakubali umefanya nini ili uishi baada ya kifo chako ?
Maana si lelemama kufikia huko nadharia zinataka.
Najiangalia, nawaangalia ndugu, jamaa na marafiki zangu wengi nawaona wanahisi kuna siku wataambiwa kuwa kesho kutwa utakuwa maiti jipange leo.
Hakuna anayechukua hatua ndiyo maana licha ya uzinzi kuitwa dhambi lakini wanaweza kuzini na zaidi ya watu watatu ndani ya wiki moja.
Walipoambiwa wasiue mbona wanatoa ama wanasababisha kutoa mimba?
Mbona waliambiwa wasiseme uongo ila kwa sasa wanaongopa hata mbele ya vyombo vya habari?
Siku za bwana kwao zimekuwa siku ya kile wanachokiita bata?
Tamaa ndo usiseme wanafikia kuroga na hata kuua ?
Au wanataka kutuaminisha kuwa ni hekaya za mafunzo za kuleta amani na maadili tuu bali hakuna chochote?
Lakini kama hekaya ina maana Mungu alituumba tuishi miaka pungufu ya mia kisha tufe wazaliwe wengine ?, mchezo gani huo?
Lazima kuna kitu tumejiandaaje kwa maisha hayo?
Ujana ndo kabisaa hauna urafiki na maisha baada ya kifo maana kila amri tulizoambiwa zinavunjwa hapo.
‪#‎mwanakalamu‬ unasemaje?

Read More

HUFANANI NA MELISSA? MHH HUYU MUNGU SASA MNAMPA KAZI

Na.Moringe Jonasy
We ni msichahana mrembo sawa ama ulikuwa mrembo sana zamani lakini muda huu kazi yako ni kumlalamikia Mungu na kutamka hicho unachokiita laana kwa huyo unayedhani mbaya wako.
Kila siku wewe unadai "Umesamehe na unamwachia Mungu'' lakini kila dakika unalaani kitendo ulichofanyiwa.
Unachekesha sana ama ndo ule msemo wa ''Nakusamehe ila sitokusahau?''
Labda nikupe mfano mmoja ambao kama hautokuwa ni picha halisi ya maisha yako basi utakuwa unashabihiana kabisa na maisha yako ya nyuma.
Natumia jina la Melissa kama mfano.
Melissa alizaliwa miaka ishirini na mbili iliyopita , Mungu alimjalia uzuri haswa si urembo maana urembo upo hata dukani ila uzuri kila mmoja anao na ni zawadi yetu kutoka kwa Mungu.
alipofikia umri ambao naweza kusema ni katikati ya mawio na machweo hakuna ambaye hakuuna uzuri wa Melissa.Wanaume wakatamani kuwa karibu yake wapate kuwa rafiki zake baadaye waitwe wapenzi wake na hatimaye wauone na kuutumia uzuri wake.
Mwanzoni Melissa aliwakwepa akifuata mafundisho ya wazazi wake,mafundisho ya msikitini na Kanisani.Lakini baadaye aliamua kutojinyima kwa kumchagua aliyemwita ''mtu wake'' na kumruihusu kuuona vizuri uzuri wake , we waligandana ,wakashibana kila mtu kajua hata yule ambaye hakutakiwa kujua walimfanya ajue.Shuleni walimu walianza kumpa karipio lakini wapi kwa walimu wa kike aliona kama wanamwonea wivu wale wakiume akaona wanamtamani na kumpa kiburi Juma wake ambaye alimwona kila kitu kwake.
''Hakuna marefu yasiyo na ncha'' na ''penye wengi pana mengi'' ndivyo ilivyokuwa Melissa alianza kutamani zaidi ya kile alichokipata kwa Juma baada ya kuambiwa alichokuwa akikipata hakikufika hata robo wa vingine vya kwingine.
Akakata shauri, lazima avifuate vingi moyo ukimkumbusha methali na misemo ya wenzake ''Chelewa chelewa utamkuta mwana si wako'' akamfuata Hussein ,Aman ,Moringe, Nyemo, na Charles huku akiwa amajipangia ratiba kali ambayo ilikuwa ni vigumu kwa Juma kujua kama alikuwa akiibiwa.
Juma kuja kushtuka mambo yameharibika na aliishia kumwambia kuwa ''Mtaka vingi kwa kupa hukosa vyote'' na ''pema usipopema ujapo pema si pema'' lakini Melissa alikuja na kashfa ''Wapi? maneno ya mkosaji hayo''.
basi siku zikapita akaijikuta anazama kwa Nyemo bila kujua kuwa nyemo alikuwa amefuata kizuri akione lakini alijifanya kama alikuwa na pendo kama la Juma.
Nyemo alishakuona na Hussein akajifanya hajaona siku ile na Moringe akavunga na Charles siku ya mahafari akajifanya kalewa ili uibe vyema ukajiona wewe ni bingwa zaidi ya Messi wa Barcelona sasa Nyemo kakupa mimba na kaikataa Melissa ukaishia kulia na kulaumu na kumwachia huyo unayemwita Mungu.
Nyemo ameamua kukuachia hilo tumbo kwa kuwa alijua huenda si muhusika maana Moringe, Charles na Hussein hata Aman umewaweka wapi huenda ndo wahusika ila wewe ndiye mwenye kujua ukweli na unauhakika ni Nyemo na unahisi kakuonea Melissa.
mwisho wa siku nakuambi huyo Mungu unayemwachia huenda si nimjuaye .
Niambie ‪#‎mwanakalamu‬ mwenzangu umewahi kuwaona akina Melisa wangapi?

Read More

UNATAKA KUANZISHA MIRADI HII? SOMA HAPA

Na.Steven Mwakyusa

Watu wengi wamekuwa wakitamani kufanya biashara pasipo kujua wapi wanataka kufika! Matokeo ya hili ni biashara kutokua (kudumaa) na baadaye kufa. Watu wa aina hii ndiyo mara nyingi hukumbwa na imani za kwamba ili ufanikiwe basi ni lazima uroge!!

Mtu wa aina hiyo utasikia leo anafuga kuku. kesho kaishaacha kuku ana miliki Tax, kesho kutwa kaachana na Tax anamiliki kibanda cha M- pesa, mara kaacha kibanda cha M-PESA sas ananunua viazi kutoka Iringa na kupeleka Dar. Sasa hapa ndipo tatizo huwa linaanzia, kabla ya kulalamika kuwa biashara ni ngumu kuna maswali ya kujiuliza,
Je umejipa muda gani katika biashara husika? Je unalenga kufika wapi?

Mfano
1. Kuuza Mitumba- Hapa hakikisha unataka kuwa wapi
siku moja? Je kuuza mitumba Dunia nzima?
2. Ukianza Biashara ya Mgahawa jiulize unataka
kuwa wapi siku moja? Je unataka kuwa na migahwa
East and Central Africa?
3. Samaki- Je unataka kufika wapi na hao samaki?
4. Salon- Je unata kufika wapi na saluni?
5. Tax- Je lengo lako ni nini? Je ni siku moja kuwa na
kampuni kubwa ya Tax Africa?
6. Kufuga kuku- Je unataka kuwa na nini katika hii
biashara ya kuku?
7. Kufuga ngo'ombe- Je unataka kuwa wapi siku moja
na ufugaji ngo'ombe?
Katika jambo lolote ni vyema kujipa muda (watafiti wanasema angalau miaka 10) ili mafanikio yaonekane! Kuendelea kufanya biashara kimazoea na baada ya kusikia tu biashara fulani inalipa hakuwezi kutufikisha kokote!!

Read More

UNAPOJISAHAU NA KUJIONA KOBE

Na.Moringe Jonasy

Niliwahi kusoma na rafiki yangu mmoja ambaye alikuwa akipenda kunukuu kauli ya wahenga kuwa '' Uzee haukwepeki''.Alikuwa akipenda kutumia kauli hii hata pasipokuwa na ulazima wa kuisema lakini kwangu ilikuwa na maana sana.
Nakumbuka simu moja alimwona mwanafunzi mwenzetu aliyekuwa na umri mkubwa na ndevu nyingi akinyoa ndevu zake mara kwa mara hali iliyomfanya awe na videvu visivyo na ndevu kama sisi tuliokuwa tukiitwa watoto lakini tofauti ilikuwa katika ukomavu wa kidevu chake.
Nimeanza na kisa cha huyo rafiki yangu kwa lengo moja tuu la kukumbusha kuwa uzee haukwepeki labda kwa kifo.
Mara ngapi umeshuhudia mtu akimtenga mzee kwenye mazungumzo na kumwona amepitwa na wakati?
Mara ngapi umeshuhudia wazee wakifanya kazi zinazoonekana za dharau kama kufagia barabara licha ya vijana wenye nguvu zao kuwepo na hawana kazi za kuwaingizia kipato?
Hahaaa atafanyaje kazi hiyo wakati ni Brazemen ama sista duu? Hizo kazi za aibu bwana.
Si ndivyo wasemavyo? Ila kwa wenzetu ng'ambo mtu anaweza kujivunia hiyo kazi.
Haya labda nikuuulize mara ngapi umewaona wazee wakiteseka kufanya kazi ngumu kama kulima kwa jembe la mkono huku wajukuu zao wakitumia jasho lao kujipendezesha?
Inawezekana hujui kwa kuwa upo mjini lakini kule kwetu ni kawaida kumwona brazamen Juma akidunda mtaani huku bibi anayekaa naye hana hata mafuta ya kulainisha ngozi yake japokuwa ndiye msuka mikeka anayoiuza na hela ndo anayotanulia Juma pia kule si ajabu kumwona Rose aking'aa na kuwatatanisha akina Fred kwa nguo ambazo hela yake ilikuwa ya kunulia mboga nyumbani.
Na wazee hao wanakubali na kusema ''ndo ujana huo lazima wapendeze , ni wakati wao''
Mara ngapi umesikia mzee akilaal;ikiwa kuwa ni mchafu wakati licha ya kutokuwa na uwezo wa kufuata maji bombani ama kisimani kwa ajili ya usafi ama hata uwezo wa kujisafisha mwenyewe hana wakati amezungukwa na watu wenye uwezo wa kumsaidia ?
Au ni mara ngapi umeshuhudia babu wa watu akikosa huduma hospitalini kwa kukosa fedha licha ya serikali kutaka watibiwe bure?
Labda jiulize ni mara ngapi umesikia wazee wakiuawa kisa wana macho mekundu kwa kuhisiwa wachawi wakati ukweli ni kwamba matumizi ya nishati ya kuni yamewapa mateso hayo?
Masikini babu/bibi wa watu badala ya kupata tiba ya macho anauawa,,,
ndo Afrika hii inayowalaumu wazungu kuwatawala na kuwapa kasumba kibao zinazosababisha migongano bila kufikiri ujinga wetu ambao wazungu hawakufanikiwa kuutoa hadi wakati wanaondoka tunawaua wazazi wetu kwa imani za kipuuzi ona sasa tumerejerea kuwaua Sope(albino) kwa kudanganywa na weusi wenzetu eti utajiri.
Leo wazungu wanajiri watu wawahudumie wazee wao kwani wanajua uzee haukwepeki lakini kwetu TUNAJIHISI KOBE KUWA HATUTAZEEKA DAIMA ila tujue na hizi nakshi zetu za kemikali tutazeeka vibaya sana na kuwafanya watoto wetu waamini kuwa tulitokana na SOKWE.
Unasemaje
‪#‎mwanakalamu‬ mwenzangu niandikie hapa chini.

Read More

ULIAMINI ANAKUPENDA AMEKUACHA?

Na.Moringe jonasy
1.ULIMDANGANYA
Huenda ilikuwa ni njia mojawapo uliyoitumia ili azidi kukupenda, lakini ikiwa atakuja kugundua kuwa uliyomwambia yalikuwa ni uongo basi ujue upendo wake kwako unageuka kwa kiwango hicho hicho ukawa chuki. Mwishowe unakimbiwa vinginevyo kama ulimdanganya jitahidi kumweleza uongo wako katika hatua za kwanza kabisa za mahusiano kabla hajaufanya uongo wako sababu ya kukupenda.

2. YEYE SI WA KWANZA
Hapa kwa mwanaume anaweza akaendelea kudanganya ila mwenzangu na mimi wa upande wa pili huna cha kujitetea.Licha ya umri wako mkubwa anaweza akawa na mashaka na upya unaodai unao lakini sehemu nyingine ya akili yake inamwambia huenda kweli yeye ni miongoni mwa wenye bahati kupata mali kubwa mpya na akija kusikia kauli zako kuwa sijui baiskeli sijui ye wapili mara Juma alikulazimisha basi ujue anaweza kukuchukia kama siyo kukufanya wa kutuliza kichaa chake huku akiwa na mwingine ampendaye.

3.MATARAJIO
Wengine tukionekana tuu barabarani miili yetu huficha dhiiki zetu na kuwafanya waamini kuwa huna shida za mara kwa mara lakini anapokuwa nawe basi anaona una shida nyingi kuliko aliyemkimbia.
Lakini pia unadhifu wako wa nje basi anafikiri kuwa upo kila mahali lakini baada ya kusinda nawe ndani masaa mawili anaona kuwa wewe ni mbwa mwitu mchafu mwenye sura na umbo la tausi.
Hapo lazima utakimbiwa.

4. KUMKUMBUKA MKOLONI
Kama aliwahi kutawala ama kutawaliwa basi lazima atalinganisha uhuru na ukoloni kama uhuru hauna maana basi atakumbuka ukoloni kisha kukona si kitu.Hapa pia epuka stori za ; yule alinitenda sana , sitaki kumkumbuka alikuwa hivi na vile baadaye unajikuta unaweka udhaifu wako peupe ?
Anakukimbia maana huna zuri wewe.

 Zipo nyingi sana niambie kitu kuhusu hili #mwanakalamu mwenzangu

Read More

UNAPODHANI UMEFICHAMA BILA KUJUA UMEJIFICHA NA UNAYEMKIMBIA

Na.Moringe Jonasy

Umewahi kucheza kombolela? kama umewahi kuucheza ama kusimuliwa hadithi  zake utakumbuka kuwa kulikuwa na mabingwa wa kufichama na kutoonekana hata mnapomaliza mchezo yeye anakuwa bingwa.

Walikuwa na mbinu nyingi sana za kujificha ikiwa ni pamoja na kwenda kujificha sehemu ambayo wengi mnazidharau na kuziona kama si mahali palipojificha.

Read More

UNAPOJIWEKA HAZINA KWA UAMINIFU WAKO

Na.Moringe Jonasy
Umewahi kupoteza kitu halafu kuna mtu alikiokota na kukurejeshea?
Ama umewahi kukosea kumpa mtu chenji halafu akakurudishia ?

Read More

WENGI TULIKUWA NA MATUMAINI

Na.Moringe Jonasy

Unakumbuka shamra shamra za mwaka mpya za mwaka huu? Achana na za miaka mingine iliyopita mwaka huu ulifanyaje?

Ulichoma matairi ya magari barabarani na kulipua baruti?

Read More

UMEFANYA NINI KWA MAMA WA JUZI ,LEO NA KESHO?

Na.Moringe Jonasy

Husemwa kuwa nani kama mama , hapo wanajaribu kuuliza ni nani mwenye upendo kumzidi mama yako mzazi hapa Ulimwenguni( achana na wale wa mama punguani wenye kutupa watoto wao kwa kigezo cha ugumu wa maisha na sababu nyingine).

Read More